1e refrein:
Oh, oh, wat is de waereld hrööt
Het is noe nog mèr ochend en Cit
duzelt a in m'n ööt!
Oh, oh, wat 'eb ük toch een lol
Het kost een 'oop mee centen, mae de
beuze is nog vol!
Ie wou wè üs wat drienke, ie ao toch zó ün
dost
Ie hoeng een zaek nae binnen, w? aoles
weinig kost.
Di zaete ook wat meissen en die droenke
van üm mee.
Mee twi meissen op z'n knieën halmde'n
toen deur üt café:
2e refrein [als 1e refrein]
Ie hoeng nae Artis kieke in een taxi mee
vol has
Di wouwe z'um vange, ze dochte dat ie ün
aop van ülder was.
Ie hieng ook nae de Cineac en zat op 't
voorbalkon
Ie was wè bang in 't doenker, maer ie
zoeng zö 'ard t'un kon:
3e refrein:
Oh, oh, wat is de waereld hrööt
Ut is noe nog mae middüg en ut duzelt
a in m'n ööt.
Oh, oh wat 'eb ük toch een lol
Ut kost een 'oop mee centen, mè de
beuze is nog vol!
En aole mensen keke, ze dochte: "'die is
gek!"
Di zag ün hröte letters op een eetsalon
van Heek.
't Was drie uur in de middüg mè toch aete
ze d? waerm
En ziengend hoeng ün verder, mee twi
daemes an z'n aerm!
4e refrein [als 3e refrein]
Ut wier zo'n bitje duuster, de lichten hoen-
ge an
Ie aot nie in de haoten, ie zag ür hlad niks
van.
Toen kwam ür ün pülisieman, die zet
te'nüm op de bon
Ie pakte de diender bie zun aerm en
zoeng zo aord 'tun kon:
5e refrein:
Oh, oh wat is de waereld hrööt,
ut is noe nog maer aevend en ut duzelt
a in m'n ööt.
Oh, oh, wat eb ük toch een lol,
Ut kost een oop mee centen, mae de
beuze is nog voll
Ie bleef nog uren fêêste, toet diepe in de
nacht
Toen wier ün mee ün taxi nae d'n ofstee
t'rughebrocht
Ie keek is in de beuze, die was aordig in
de muut:
Ie ieltum op zun kop, mè dae kwam toen
niks mir uut!
Slotrefrein:
Oh, oh, wat is de waereld hrööt,
Ik bin een dagje uut heweest, wat
duuzelt dat in mun ööt.
Oh, oh wat aod'ük toch een lol!
't Zamme nie mï overkomme, 'k eb ür
noe m'n buuk van vol!
Vee re, 1955
Jan D. de Voogd