zeiltje kwam van een koffiekommetje of zö, kon ze't geliek opdoe, net as
bröódkrumels.
Mer toen as ze zö een stuitje geleefd 'ao, gieng 't nieuwe der een bitje af, en
soms voelde ze der eige tóch wè alléênig, vöraol 's aeves.
Getrouwd was Jaone vanzellef nooit geweest. Nie, da der vroeger nooit joen-
gers achter der angelööpe 'aodde, 'oor, mer 'oe za 'k 'et zegge: d'r was nooit
wat van gekomme; 't wier nooit wat! Jaone was 't er zö êên, die a aoltied d'r
zin deu moch drieve en commandere, en dat zinde de joengers nie.
Toen a 't ouwe Beusje een stuitje uut den tied was, 'ao Jaop Jobse nog is
geperbeerd: per ongeluk is verbied komme, as Jaone in 't 'of bezig was, bluve
stae en vraege, 'oe of 't gieng, noe as ze allêênig was? En op een goeien dag
vroog en zö'n bitje waerom of ze nooit getrouwd was!
Mer Jaone zag de buu afkomme! Jaop was wêêuwenaer, weet je! Z'n vrouwe
was een paer jaer geleje gestorve en toen was 'n bluve zitte mee vier guus: drie
joengers en een meisse. En roeffels da die joengers waere, bie 't
onfesoendelijke af! Mer jae, wat wou je, a 't er gin moeder is!
Jae, jae, en noe docht Jaop, da 't en Jaone kon vange! Jae zeker! En dan zie
zeker 'êêl den dag snottebellen vege, en vule voeten in 'uus en brullende guus!
Jae, en dan 's aevens Jaop ook nog is, a t'en van den boer komt! Mee 't
dossen, of as de mispit leeg gereje moch 'öörre! Dan kreeg je, a j'aolles net
op'ekelfd 'ao, nog een vent in je schööne 'uuze, een vent, die a stikvuul was,
en daer a je allêênig mer een 'oop waste an 'ao, a j'en een bitje presentaobel
wou 'ouwe! En vö in bed 'ao ze Jaop nöödig 'oor, zei ze bie d'r eigen!
Afijn, ze gaf Jaop van te weten, da t'en wè een streep deu z'n opzet kon 'aele
en dat dee ze op zö'n onbedopte meniere, da Jaop nie wist 'oe of 'n 't 'ao!
Ie maekte vanaf die tied een rondje a t'en Jaone d'r 'uusje verbie moch, mer
Jaone was glad tevreeë, daer was ze mooi van af!
Mer toen as z'oorde, da t'en een paer maenden laeter mee Prina Vreeke ange-
plakt stoeng, was z'in der 'arte stik fenienig, en toen as Prina binnen 't jaer een
kind van Jaop kreeg, vrat ze der eigen op! Prina was even oud as 'eur, en 't gaf
gin pas om op zö'n leeftied nog een kind te kriegen! En dan nog wè van een
wêêuwenaer! En dan moch je Prina zie loope, mee dat joenk in de benne-
waegen! Ze keek Jaone midden in d'r gezicht, toen as ze 'eur tegenkwam, net
of as ze wou zegge: 'Kiek, jie moch Jaop nie, Mee den kleinen Jaop, daer
rieë ik noe mee in de bennewaegen!'
Jaone was 't er glad nie goed van, toen as ze tuus kwam! Ze vond der 'uusje
toch wè leeg, zö zonder een aore! Zelfs gin katte 'ao ze! En een vent zou toch
wè 'andig weze, vö kleine klusjes ook! En vö mer daer moch ze nie an
dienke, sjoe toch, aollemaele vulig'eid!
Mer 't was net of da ze tegenwoordig aolmè vrouwen mee bennewaegens zag
en mee kleine guus, en 's aevens in doenker, kwaeme der stelletjes vöbie, 'and
in 'and en die gienge dan de polder in. En z'ao soms van die aorige joekte in
der buuk, daer as ze nie bie kon
Op 't 'of werkte Zekriës van Bram de Fietser en ze bleef wè is mee z'n stae
praote, as ze melk 'aelde. Nie vö 't êên of 't aore 'oor, mer 't was glad gin
lillijke vent en z'n 'anden stoenge recht an z'n lief. Dat was 't er êên dl ze nog
vee an kon Mer Zekriës 'ao vee te goed gezie, 'oe of Jaone geëxerceerd 'ao
mee 't ouwe Beusje in z'n leven en ie was glad schichtig van der. Effenof een
bitje vee benauwd was 'n van Jaone! En a t'en ze den oprei af zag komme mee
der buzzetje vö melk, zurgde ie dan, dat 'n kwiet gelope was!
Jaone prebeerde nog is, en nog is, mer toen as ze op een keer Zekriës uut den
19