KINDERBESCHERMING
'Piete' zei de bakkersvrouwe tehen d'r dochter van elve. 'Ael is 'n alf wit beneje uut de
wienkel. Aster allêênig êêle bin, dan snie je d'r maer één middendeur'.
Nêê, moe, zei Piete, Di bin'k bunzig van'. Wat 'emme noe, antwoorrde Pietes moeder, 'En
waerom wê?'
'Omda vaoder dan 'n persesverbaol kan kriege', zei Piete. 'Gosternokke! Noe begriep 'k er
niks mi van', zei Pietes moeder. 'Wa kies je toch'.
't Is toch echt waer, moe. Gister 'eit de vaoder van Arjaon Flipse, de slachter, d'r ook één
g'aod. Arjaon moes van z'n moeder 'n 'alf pond gehakt bie z'n vaoder uut de slagerie 'aele.
Z'n vaoder zei, dadden 't mae zelf moes afwege, en net toen Arjaon dimee bezig was, kwam
d'r 'n burgerstekel de wienkel in. Ie 'aod 'n 'oed op, mae praotte hin hewoon 'ollands. Zö
joengetje, zei d'n tehen Arjaon, wa doe jie di, en 'oe oud bin jie? Arjaon zei, dadden gehakt
an 't afwegen was en twaolf jaer was. En toen vroeg die meneer an Flipse of die da goed vond.
Tuurlik, zei Arjaons vaoder, mae wat ei jie di mee te maeken? En toen begon die man inêêns
'ollands te praoten. 'Ik bet; controleur Jansen van de Kinderbescherming', zei die. 'Ik con
stateer, dat in deze slagerij, met Uw medeweten en toestemming, door een minderjarige
arbeid wordt verricht, hetgeen in strijd is met de Wet op de Kinderbescherming van Sam. van
Houten en ik moet dus procesverbaal tegen U opmaken'.
'Die Van Houte ister toch hin uut ons durp, moe?'. Nêê Piete, zei de bakkersvrouwe, 'k
d'r nog nooit van ehööre.
Mae wa zei Arjaons vaoder toen?
Dat è'k eigenlik nie goed begrepen, moe, want Arjaon zei, dadden mae gauw was weggelope,
omdat z'n vaoder mee een mes begon te zwaoien en 'n paer klanten riepe, da die 'm an rêêpen
moes snieje Van 't leste is gelukkig niks gekomme, en ook nie van dat persesverbaol,
wivan Piete zó bunzig was - de slachter en de 'burgerstekel' waere - ieder op z'n eige terrein -
daervó te verstandig.
Mae vö de zeker'eit 'eit Pietes moeder mae zelf 'n alf bróód 'esneje: 'ik val nie onder die Van
Houte', doch ze.
H.G.F. Sasburg
bunzig - bang.
Van Houten - Deze actieve figuur kwam in 1874 met één van de weinige initiatiefwetten
uit onze geschiedenis, n.l. die betreffende de kinderarbeid, die echter door gebrek aan toe
zicht op de naleving een dode letter bleef.
bestuur
16
