SSt/5
Omgeving Koudekerkse inlagen, coll. Gemeentearchief Schouwen-Duiveland.
zonne al, zö vroeg, gienge de kuuper in de tum-
merman, aolebeije eerzaeme uusvaders, vanuut
Dereister, wae ze hun brööd verdiende bie 't uut-
oefenen van hun ambacht, een bezoek brienge
aan hun zwaeger in die(n)s uusouwen op
Aemstee, die dae droger was in de mêêstoove. Ze
deeje dit aaleke zoomer 'n keer in reisde van vier
uuren d'r nae toe in vier uuren vromme. Ze gien
ge éénsgezind op hun klompen, 'n kuirstok, 'n
flèsse drienkwaeter voor onderwègt, 'n puupe in
'n zakje tebak in niet te vergeeten hun tinteltonne
om vier voor hun puupe te kunne slaen. in den
ochend al vroeg op stap in mit zakken van den
droger weer op uuz an.
Der wég gi(e)ng du Lopseswèg in et Östwéégje
oover Noordgouwe, du de Beerewèg [sic] en
Kakkerswêêg nae Kaarekwaareve, dae vandaene
iangs de Vospitsewèg oover 't Pikgat, de
Prommelsluus in d'Oute Poppe voortduurend
onder gezèllegen kout almar oover de zêêdiek
langs de Schaalepoek, wae te kuuper opmaarkte
dattie dienkelek wat in z'n klompe zou dat is nie
in orde. Aflijn, da bleef zó, ze kuirde vaa(r)der. Bie
den Plompen Toren, wae ze de zêêdiek of zouwe
gae om du Braebers Aemstee te belopen, besloo-
te ze 'n stuitje te rusten, zö teegen den diek zittat
lékker nae zö'n tippel. "Noe mo'k toch es in m'n
klompe kieke", zei te kuuper tegen z'n confrater.
Ze waere wè wat verstèld, toe 't er uut tie klom
pe een kinderklompje kwam. "Oe is 't moogelek",
zeide ze beiden uit êêne mond.'k Za 't mar in
m'n zak steeke", zei te kuuper, "want et za van
Grietje weeze, van m'n jongste meisje". Aflijn, nae
'n stuitje te hebben getoefd gienge ze vaa(r)der in
kwaeme teegen acht uure in den ochend an de
mêêstoove, dae ter zwaeger woonde. Ma 't was
zondagochtend, de maansen laege nog op baade.
Ze zuchtten es, hinge hun kuirstok an de knoppe
van de buutendeure in kuirde 't durp in in ofwach-
teng van 't wakker ooren van de femielje. In jawèl
oor, zö teegen negen uure troffe ze hun verwan
ten in goeden wèlstand an. Nae 'n gezèllegen dag
van bie mekaore weezen, wae zö êên in ander
over èn weer wier vertéld, naeme ze zö teegen
vier uure in den achtermiddag afscheid in begae-
ven de kuuper en den tummerman zich weer op
13