'n Paradijs op z'n eige. Wie bin'k. da'k dat
aomae mag meemaeke?! 't Lieve kind kreeg
'n fooitje vó't bove - briengen. D'r "merci
monsieur" bleef as 'n engele - toontje in m'n
oren naegalleme. Onger! Éte! Ma ja...Om noe
benéé an te schuven bie aol dat deftige vollek,
dat zaege m'n oak nie zittel In. meschien was
t'r vó ons op dit uure van d'n dag wè d'n ond in
de pot. Daebie kwam nog, as 'k m'n jas uutdee
bleef t'r ma êêl weinig van m'n dirrekteurs -
glorie over. Noe, vó m'n maot was goeie raed
êêmae nie diere! De pukkel gieng ópe. in dae
verscheen 'n gróót blik "Ollanse Móle". 'n êên-
pans - maeltied. D'r verscheen 'n panne, twêê
blikke borren, messen in vurkens in ,.'n gasje!
Dat bestel wier op zö'n mooi taefeltje uutge-
stald. 't Taefelzeiltje was de krante "Le Figaro".
Wat zag dat 'r aomae èrremoeieg uut! In de
prachtige spiegel, die wat voorover, boven
't taefeltje ieng, zag je de èrremoe nog 's vó 'n
twééde keer. 't Is zonde vó de waereld.
Bie 'n tentje is dat aomae weelde, ma ier, 'n
vloek ka je wè zegge. Vó m'n rnoat gin pre-
bleem: pluk de dag, aelt 'r uut wat 'r in zit!!
M'n zouwe de maeltied ma 's motte versiere
mit 'n angenaem wientje. 'k Zou ma 's nae
benee motte gae om '11 flesse wien in 'n paer
glaezen, dan kon ie ampesant de keuken bered-
dere. Dat maekte nog *n bitje goeien indruk oak,
dat 't nie aomae van sassen bloed gieng. Toe'k
de deure achter m'n dicht trok oord "k net
't gasje anfloepe. Benéé angekomme liep 'k wï
'n meisse tegen 't lief. Mooi in lief. Z'adde z'ier
in voorraed! 'n Flesse wien? "Bien sur, monsi
eur!" a keek ze wè 'n bitje nae m'n vuulig
overèmde. ma, soit, m'n leefde in de tied van
Sartre, dat most kunne. Un vin blanc, uut êên of
ander département, dat riemt. Wat nie riemde da
ze mit dat spulltje de trap opgieng, om 't bie de
êêren bóve te briengen. Ikke d'r achter an.
De zenuwen gierde deu m'n kéle. Dit kon nie!!
'k Zag ze a nae binne stappe. 'k Zag de woasem
bove 't taefeltje.
Noe was goeie raed êêl diere, 'k Ouwe vrêêd
493
