da ze ok exaahmen hedaen oa en op de St.Petrus Ulo in
Vlissienge hezeten oa, viel m'n mongd nog mêêr open van
verbaezieng. "Ze konne hin Zeeuws verstae en ze waere
nog Katteliek ok!" En dat koa-je hlad nie zie-e!U
't Verbaes m'n noe, da k óóit zó kunne dienke. Mè ja,
op Nor-Bevelangd en op Kas in 't biezongder kende je
hin kattelieke. Je kende de kattelieke allêên van keaark-
diensten op de rahdio en dan zonge zó roar. Jae, en op
Kas wiste m'n da t'r een vent was die bie verkieziengen
op de KVP (Katholieke Volks Partij) stemde en 't verhahl
dee de rongte da t'n ok echt katteliek was hehóóre. Mè
die veint was op z'n zachst hezeid een bitje zonderlieng
fihuur.
In die tied mö'k hedocht da die twi zaeken, zonder
lieng en katteliek, mee mekore te maeken oa. Toen a'k 't
zeaalfde jaer nae de Kweekschole in Middelburg gieng,
wier ik ok wee mee zaeken geconfronteerd wir a'k di voo
hin weet De waereld wier echt een êêl stik gróóter voo
m'n.
En toen a die dammen van 't Deltaplan d'r êênmaahl
waere, verangderde op Nor-Bevelangd oalles in een rap
tempo: D'r zaete vrimde vissers op je plekje, d'r kwaeme
Belhiese natuurliefhebbers in 't Kasse Hat koekeloere, je
kon de deure van j'n uus nie mi open laete en zeaalfs je
fiets most je op slot hae zette. D'r kwaeme toen ok mêêr
vrimde meaansen op 't eilangd weune en d'r kwaeme
mêêr vekangsiehangers. Je most toen dus ok wè es netjes'
praete, want angders konne ze je nie verstae.
En noe nae zó vee jaer kü m'n de belangs een bitje op-
maeke van oal die verangderiengen die a 't Deltaplan
hebrocht eit. Ik dienke wè da de belangs nae de pozitieve
kangt deurslaet. D'r zü mè weinig meaansen weze die a
nog zó heïzoleerd zou wille weune as fuuftig jaer helee. Je
mó t'r toch nie an dienke da t'r dan êên 's nachs een artan-
val kriegt of zó en je kan die nie nae 't ziekenuus brienge.
Quah verbindiengen is t'r dus vee mêêr meuhelijk hehóó
re. Dah-je voo je weaark nie allêên mi op Nor-Bevelangd
was anheweze vink ok een hróót pluspunt.
Mè da ongze Nor-Bevelangse tael deu de jongere harde
bienae nie mi hesproken óórt, da vink eihelijk best wè
jammer.
Lau Eikenhout, dialect Kats, Noord-Beveland.
'n Bitje geluk is noait weg
't Oar tied dat jie weer 's wat wint.Dat klienk 'n bitje as
'n verwiet, ma dat voel ik nie zo, oe. Want m'n echtgenoot
was degene die de opmerkieng maekten, en die weet as de
besten dat 't er mit bepaelde regelmaet brieven kwaemen
mit: gefeliciteerd, u heeft..gewonnen! En dat kon van al
les weeze.
In de loap van de jaeren was de buit best groat. Zo won
ik bie 'n bepaeld soart limmenoaede vuuf keer 'n badlae-
ken, en toen ik de zesde keêr mee dee, schreven ze trug:
jammer, een volgende keer beter! 't Waeren trouwens
goeie laekens, ze bin nog steeds in gebruuk nae al die
jaeren.
Bie de waspoejer won ik oak nog 's 'n professionele tae-
feltennistafel, 'n groat ondienk, die ebben ons weggegeve
an iemand die meêr ruumte 'ad as ons indertied. En voa
m'n ouwers wier d'r 'n slagzin geschreve en toen kon ik die
mensen blïee maeke mit 'n kaemer vloerbedekking.
Ik mot t'r bie vertelle dat ik winne mit woarden, nie mit
ciefers. De staatsloterij is an mien nie besteed. En ik doen
a jaeren mit de postcodeloterij mee, en zo af en toe valt 't
er dan 'n peperkoeke of schoonheidsmiddel op de matte,
ma Gaston, die ei bie ons nog nie angebeld. Ma je weet
mar noait, wat nie is, kan nog komme.
Dus ik mot 't ebbe van geslachtszinnen', zo staen die uut-
stuuksels op pepier bie ons in de fermielje bekend.
D'r bestongen vroeger vee meêr meugelukheden om er-
regus an mee te doen. Op allerande wikkels van sukke-
loaede, pakken pap, of andere levensmidduls kwam d'r om
de zo vee tied iets langs waebie ik docht: kom op Je wanna,
laet je dichtersbloed weêr's stroame.
En dat kwam d'r weê post mit 'n kedobon van vuufentwin-
tig gulden.
Noe dienk ik 'r weêr an dat ik oak 'n keêr 'n eêle groate
pries won. Bie de krante: 'n eêleboel serviesgoed, steên en
van glas, alles in achtvoud. De moeite waerd, ons mosten
d'r 'n kasse bie koape. Ik kon 't nie berrege! Zodoende was
't nog 'n diere pries. Af en toe wier 'n mens oak wellus
opgefokt om mee te doen: leprijs Een wascombinatie! Wat
dienk je? Meedoen netuurluk.. en..winne!
Ik kreeg m'n pries tuus gestierd: 'n was'andje mit 'n stikje
zeêpe! Noe kan 'k dae om lache, ma toen nie, oe. Zulder
adden nie gelooge.
Ma 't kon nog erger, iemand die ik kenden (omdat die oak
altied meedee an wedstrijden) die won 'n keêr as pries:
Drie dagen Wenen! Die kreeg 5 kilo juun mit 'n errepel-
schellertje!
Ie kon wè janke..wenen, dus, dat was oak de grap die d'r
achter zat.
Noe bin ik nie van de kruuswoardraedsels, dae gae m'n ega
speciaal voa an de taefel zitte. Onderscheid mot 'r ommers
weeze.
Die 'ei oak wellus 'n bon van 500,- gewonne bie 'n meu-
belzaek, ma julder begriepen 't a, dae most oak geld bie
om dat bangetje te koapen wat ons wilden 'ebbe.
Ma lae'k nie klaege, d'r bin mensen die 't in geen van beien
'ebbe, nielj in 't spel en oak nie in de liefde, dat bitje geluk!
Jopie Meerman, Tholen.
Opstappen bij laag water op" De Katsplaat", de echte naam van"
't Böötje van Noordhoek".
