Nehalennia zomer 2020 nr. 208
Verhalen en gedichten
Heïzoleerd
't Is noe nog mè moeilijk voo te steaalen da Nor-Beve-
langd een echt eilangd was, êêlemaele omheeve deu wae-
ter. In de vahrste vahrte hin Zangdkreekdam, Veersedam
Zêêlangdbruhhe en Sturmvloedkêêring te bekennen.
Allêên mee bootjes koa-je 't eilangd op of of. Op vier
plèkken kon dat: Bie Kasseveer, bie Kamperlangd, bie
Kurtjeen en bie Coelijn (mee Berrevoets). De bóót bie
Kurtjeen was dn hróósten, want di konne ok auto's op.
Helokkig waere d'r in de jaeren fuuftig nog nie vee auto's,
want a d'r net zo vee auto's heree-e zouwe as noe, dan
oa d'r bie Wolfersdiek en Kurtjeen eaalken dag files ge
stae van ier tot gunter.
Toch gienge in dien tied nie vee meaansen van 't ei
langd of. De mêêste mannen weaarkten bie een boer
in d'omhevieng en de vrouwen d'r angden vol an 't
uus'ouwen.
En voo booschappen oefde je ok nie weg, want bienae
oalles koh-je op j'n eihe durp koape Mè voo meubels
en nieuw hoed hieng je mêêstal nae Hoes of zó. De voe-
ballers en de korrefballers moste ok rehelmaetig nae
d'n overkangt. En vanzeaalf hieng je nae d'oare kangt
a t'r wat speciahls te doe-en was: Een meziek- of zang
concours, De kermis van Angswest, de Hoese mart, het
Fruitcorzo of nae de film in Slot Oostende, de bioscoop
van Hoes. Mè je most wè oaltied rekenienge ouwe mee 't
bootje trug, vooral ah-je 's aevens nae ruus most vanuut
Zuud Bevelangd.
Die kleine bootjes voere nie mi nae oalf achte en dan most
je dus oaltied over Wolfersdiek nae 't eilangd terug. En die
bóót stopte ok om een ure of eaalve, oalf twoalve. Je most
nog wè es ahrd rie-e om de léste bóót 't aelen.
't Was dus eihelijk een êêl hedoe mee die bootjes en 't kost
te je onnoemelijk vee tied. Zó herinner ik m'n eihe ok nog
een reize mee de voebal nae Zierikzêê-e. We moste di om
oalf drie-e tehen Mevo spele. We vertrokke 's ochens a om
oalf tiene mee de fiets nae 't bootje van Noord'oek. Bie 't
steihertje lei-e m'n de fietsen an d'n diek(Die oefde je in
die tied nog nie êêns op slot te zetten!!!) En op de Zuud-
bevelangse kangt (wi noe dat sterre-restaurant "Katseveer"
is) moste m'n dan wachte op de Zierikzêêse bóót die ongs
nae Schouwen zou brienge.
Die bóót deed di behoorlijk lank over, wè mêêr as een ure.
En a de stroam onhunstig was dan nog even wat langer.
Een uur of êêne oalf twêê-e, bin m'n in Zierikzêê-e anhe-
komme. In die tied nie an de Vahl, mè an 't Luitje. Dat lag
een êêl stikje dichter bie 't centrum. En van di liepe m'n
nae 't veld. En nae de wedstrijd oa m'n dezeaalfde tocht
wee voo de boeg, mè dan d'oare kangt op. Ah-je dan om
acht uure tuus was mocht je blieë weze. Over die ofstangd
van eemelsbrêêd vuuf/zes kielemeter dee je om-en-vrom
dus een kleine tien uren. Mè ok a m'n nae Terneuzen
moste hae voeballe was je een êêlen dag ongderwegt. Êêst
mee 't bóótje van Noord'oek, dan op de fiets nae Oedjeske-
aarke en dan wee mee de bóót nae Terneuzen. En die dee
d'r ok een oarig tiedje over, om en naebie een uure. Je wist
dan wè dah-je een bitje heïzoleerd weunde, mè je vong da
geweun, je wist nie angders.
Mè nie allêên op 't fysieke vlak meaarkte je dah-je heïzo
leerd was. Ok gêêstelijk leefde je in een klein waereldje.
Dat kan'k julder msschien 't beste antóóne mee 't volhende
verhahl. Toen a'k in 1960 slahgde voo m'n ULO-exahmen
vroeg een jongen uut m'n klasse of ik zin om mee s'n te
hae kamperen op de Veluwe. Ik vong dat stik intressangt,
wan ik was nog nóóit op vekangsie he wist en dat wouw'k
wè es meemaeke. M'n zou-e mee de brommer hae, want
m'n waere teslotte dat jaer nie voo niks zestiene hehóóre.
Die klasgenoot was de zeune van de bakker van Coelijn
en die zeaalf a een Sparta en ik mocht de brommer van
m'n broer hebruuke. Een tente uurde m'n bie Verburg
op Kurtjeen. En zodoende bin m'n hepakt en hezakt nae
Beekberhen bie Apeldoorn heree-e. Ik zou nie mi weete oe
a m'n an oal dat kampeerspul kwaeme en oe m'n dat op die
brommers hekreehen
Op de camping kreehe m'n a hauw contact mee leef-
tiedsgenoten, jongers en meiden uut Twente, Frieslangd
en Drente. D'r zaete ok twi jongers uut Zêêlangd. Het
bleek da die uut Vlissienge kwaeme. Ik weete nog dak
zei: "Móói, dan kunne m'n jfieweun Zêêuws praete." Ik
was mee stomheid hesloohe toen a m'n meaarkten da die
jongers ongs hlad nie verstonge. En toen a se verteaalden
27
De aanlegsteiger van het veer Kats - Katseveer aan de Zuid-Beve-
landse kant, hier vertrok ook de boot naar Zierikzee. Recht voor
ligt de'Zierikzeese boot'. Rechts het bootje naar Kats. De exploi
tant van het veer Kats - Katseveer, C.P. Noordhoek, woonde aan
deze kant in het veerhuis. Nu is dat een bekend sterrenrestaurant
De aanlegsteiger van het veer Kats - Katseveer 't Bootje van
Noordhoek") aan de Noord-Bevelandse kant.
