Nehalennia voorjaar 2017 nr. 195
Naer de kapper
Verhalen en gedichten
Scheerwinkel 22-12-88
Beantwoording Vragenlijst 193
29
Ouddurp hao vroeger, ik spreke over de jaren vuuftig, zelfs
twêê kappers: Reinhoudt en Jan van Dam. Mar 'n kapsalon
zóas die tegenwoordig heit, mit droagkappen inzóó, was t'r
toe nog niejt. Je sprak geweun van 'de kapper' in sommige
ouwere zelfs nog van 'de scheerwienkel', want scheere wier
in diejn tied oak nog deur de kapper 'edae, mit zóón gróót
vliejmschèrp scheermes, 'n Ofspraek maeke dee je nóóit:
je gieng geweun kieke of 't niejt te druk was, in oak as dat
't wel was, geweun zitte om op je beurte te wachtene. Je
hoevende je eige nóójt te vervelene, want de kapper was
oak 'n soort nieuwsbureau. Tegenwoordig hei je de 'social-
media (echt Ouddurps!), mar vroeger gieng ie geweun
bie de kapper zitte of op dunderdag naer de beurs. In de
wachtkaemer van d'n tandarts of van d'n dokter hóórende
je nóóit nieuws, want dêêr hiew iederéén z'n snuut deur de
zenen.
Niejt dat ik in m'n jeugd bie de kapper kwam. Néé, moew-
der dee 't zelf: dat was goekaop. Bie opoe, die schuin
tegenover uus weunende, hao ze 'n handtondeuze, zóón
soort tange mit twêê handvatten. M'n twêê ongetrouwde
omes Jan in Rijk deeje dêêr mekaore mit knippe. Moewder
lêênende 't dan.
De schoolfotograaf zou d'n aoren dag komme in moew
der vong, dat ik d'r dan net'ies most uutzieje. Noe ka 'j 't
je eige niejt voorstelle, mar vroeger hao 'k 'n weelderigen
haerdos. In die most noe onger haon 'enome woore. Ik
rillende al bie de geachte! Ik wier op 'n stoel 'ezet, kreeg 'n
schorte om m'n nikke in 't apperaot wier nog even soepel
'emaekt mit naoimesienolie. 't Spektaekel kon beginnen!
Mit 't botte mesien wiere d'r hêêle plokken haer uut m'n
hóód 'erokt. Ikke geregeld 'au!' roope, mar moewder riejp
dan: 'zwiege!' in de martelienge gieng geweun deur.
In de spiejgel bekeek ik 't resultaot: 'n róóie, verbruide
snuut, de ziejkanten hêêlemaele kael, in bovenop 'n dekje
as watje laeter 'n punkkapsel zou noeme. Op die ouwe
schoolfoto kan ik dat altied nog bekieke.
Op 'n gegeve moment begon ik te kael te woorene: êêrst
op de kruune, in laeter an de voorkant van die inhammen.
Kapper Slot in Goerêê bleek d'r wat voor te hèwwene: róze
spul da j' in most invrieve. 't Gevolg: 'n roodgloeiend hóód
in d'r kwam allêêne wat babydöns. Massere mit brande-
wien: 't wier allemaele niks. Toe bin 'k mar over'egóó op
inwendig gebruuk.
Tegenwoordig knippe 'k m'n eige, mit 'n apperaot van de
Aldi. Gêên kapper mêêr nódig!
Pau Heerschap
Reacties: dialect@hetnet.nl
Bie de meeste vrauwen ei 't zweet wê is in d'r anden
stae, asse vóó de êêste kêêr mee d'n kleinen nae de kapper
moste. In laeter nog wê. Wat is dat noe? Dat de meeste
kinders schreeuwe bie 'n kapper. Aje die eihe kinders
senten heeft om nae 'n snoepwinkel te haen, brulter heen
êên. Dae binder bie die hae vrêêt te kêêr, zodat de kapper
d'r aok van ha zwaete in blie is at klaer is. Dit was vroeher
Pau, geknipt voor de schoolfoto, 1954
aok zóó, mae dan dêê aok nog wat anders op. Toen knipte
ze mee zóón andmeschientje. Mê ja, dae waeren mê twee
menieren. Êêmae kael of'n kuufje. Êêmae kael was êne
ruk van je nikke tot an je veróód. In wae dat noe an lag,
weet ik nie, mê 't beurde dikkels dat j'n aerd'r dur tussen
kwam. Dan stroapte dat. In dan was 't net of ze taer uut j'n
óód snokte. Dan schreeuwde je nie, mê 't waeter liep uut
j'n óóhen. 't Leken net of ze bostels moste tekke. Net as
vroeger bie de vaerkens. Zeide je wat, hromde ze daje stille
most zitte. Anders wier 't nog hekker. 't Was in êên woord
'n piene tensje. Je was benauwd om der nae toe te haen.
Aok a hien je a nae schoole.
Mêêsta waere ze d'r nog kleermaker bie. Want ze mieke
dat waere meesta Ienhels, lere, bombaziene en mêsisterse
broeken. In vóó d'n énen in anderen wellis 'n duffelse rok.
Mee die broeken, da was makkeluk. Die waere stief, 's
Aevends a je nae baede hieng, zette je d'n neer. 's Ochens
stapje je d'r weer in.
Scheere was bie de meeste êên keer in de wéke. Dae waere
d'r van twee keer. Je óórde 't mes krasse, net as prikkeldraed.
Saeterdags 's aevens kwaeme ze. Ze mieke d'r 'n leutig ae-
vendje van. A ze klaer waeren, bleven ze 'n stuur zitte. Dae
wiere de durpsnieuwtjes besproeke. In wie d'r most trouwe.
Dae waren d'r bie, die prebeerde ja an de hankt te kriehen.
In dat lukte aoltied. 't Kon d'r soms 'n kauwe op deu hae.
D'r ware d'r aok bie die wouwe wê praete, me die hienhe
kwiele. Die moste êêst spie in de koolbak want die zaete
mee 'n odde BZK in der mond. 'n Leutig aevendje voo de
maensen in die tied.
Vurbie ja, mê m'n ao toch nog 'n durpskapper wae aok nog
a wat ofê klapt óórt. In zukke zaekjes móje op 'n durp ao.
Anders óór tut 'n dooie boel. Dat maerke ik noe a Jewan-
nes ei tut in z'n rik en lei 't zaekje stille. Laemen ope, dat
ten hauw wee beter is, want hezondheid is 't hróótse wat
'n maens ka ao. In bie hezondheid óórter weinig bie stille
stae.
Wullem van Bru
1. agosie handel ZB (Lwd, Kwd, Ndp, Dwg,Ier, Bzl) T (Po)
SchD (Rns, Elm, Zr, Bns) ZVW (Hp); negotie W (Bgk)
T (Tin, Po, Anl) SchD (Bwh, Hsd, Bns) GOfl (Odp) en
naigosie ZB (Kwd).
