Ë3
Nehalennia zomer 2015 nr. 188
die mensen die je subsidie heheven èn laoten zien da je d'r
wa mee doet ee.
Afijn 't was eel hezellig, mao da was hauw hedaon a me
thuus kwaomen oor. De buren die d'r ook bie waoren op
de prezentaotie, die waoren een bitje voor ons tuus. En wa
dink je? Bie udder was 'tr ingebroken ee. Een zootje.da
wi je nie weetn. As troost ei Jan ze mao een boekje hehe
ven mee een bosje blommen voo de schrik.
Di stikje is geschreven deu Jan z'n vrouwe, da's weer 's wad
anders, ee.
M'n Stikje
Participatie
Wat een moeilijk woord Ma ut betekent gewoon zurg.
Omdat onze overheid de echte zurg nie mi wil, of kan be-
taele, ze der een ander woord vó verzonne. Eigelijk is die
participatie wè mooi. Men gae aomae vö mekaore zurge in
di rekene men niks vó. Wie mot dat dan doe? De kinders
komme ut eerst an bod dan komt de famielje in de buren,
in as leste de kennissen, de vrienden in nie te vergeten de
vriendinnen. In iederéén doet dat aomae vó niks. Wat leve
men toch in een mooi land
Verheuge men ons noe op die veranderiengen? Dat zou
toch wè motte. Ma't za nie meevaole. Men 't aomae druk
mee van aoles in noch wat. Men motte waarke vó de kost.
Mannen alléén kunne dat nie mi, dus de vrouwen motte
ók waarke. In vergeet de vacanties nie. Me binne nog niet
trug, of men wille wi a weg. Gelukkig gae men nie aomae
teglieke zódat der toch nog un paer vriewillegers in de
buurte bluve. Men petje of vó die maansen. Ze doe êêl vee
vö andere maansen, in ze de participatie al uutehvonde
vödat de regering di van oord Ma wat mot ik noe?
Ik bin drie in tachtig, dus ik zou zaalf zurg motte Dat
ik gelukkig nog nie nódig omdat ik nog een vrouwe die
goed vö men zurgt. Ze kan tot nog toe aoles, in dan ei je
as man gin problemen. Ier in daer wè een pientje natuur
lijk, ma dat óór ter bie op die leeftied. Wat dan? Zo mar
ofwachte tot je je kinders of de buren om hulp mot gae
vraege? Ik mot der nog nie an dienke. Ma je wil toch wè
wat doe in deze participatiemaatschappij. Wat zou ik nog
kunne? Nie zo vee mi as je drie in tachtig bin. Voorleze
misschien bie een paer ouwe maansen. Ma die zitte der
ök nie op te wachten totdat der zon ouwe vent komt. In ik
eigelijk ök nie. 't Is noe ehmae zo, dat men op die leeftied
graeg ni wat jongs kieke. Je kan de maansen in de Corne-
lia gin gróter plezier doe, dan mit zo'n gastje op bezoek
komme. Kinderoppas dus? Dat gae ok nie. Onderlest was
ik an ut fietsen in toe stieng der zo'n klein lief meisje mit
der fietsje langs de kant van de weg. Ze zwaoide ni men. Ik
graeg wille stoppe om een praetje mi ter te maeken. Ma
ik durfde 't nie, want as je mit een vreemd kind praet dan
zie ze je trek vö een pedofiel an. Wat mit kinders doe dat
kan dus ök nie. Terwijl ik toch zo dol bin op die kleintjes.
Den mooisten ochend is tegenwoordig de donderdago-
chend, dan kom men dochter op de koffie, in die brieng
dan der kleindochter mee. Dat meisje is dus mien achter
kleinkind. Ze is net een jaer in loap dan du de kaemer. Dat
is genieten.
Ma oe kan ik noe nog meedoe in deze prachtige maat
schappij? Ik der vee over naeëhdocht in toch wè een
idee. In de stad lóóp ter een wuufje rond wi ik mi vee ple
zier ni kieke. Ze is prachtig, in ze zou zo mee kunne doe in
dat programma,, Het mooiste meisje van de klasse." Dat ei
je misschien wel us op de televizie ehzie. Mö
jie nie ni kieke óór ik je noe dienke, jie bin di vee te oud
vö. Ma ik onderlest men ógen nae laete kieke bie den
oogarts, in die ei mien twéé nieuwe lenzen ehgeve in noe
kiek ik wi as een jonge vent. Ik kan der dus niks an doe dat
ik ter zie. Foei foei foei, as jullie noe soms dienke an dien
ouwen bok in dat groene blaedje dan gae'k je noe vertale
dat ut di êêmae nie om gaet. Bienae aole ouwe bokken me-
kere wat an der kele zei de vêêas, in kriege zo'n blaedje nie
mi duehslikt. Ze kluve aomae op droge naejaersblaeren.
Ze is ehtrouwd, in der man is vier weken weg, in is dan wi
vier weken thuus. In wie wast dan der rik as die man nie
thuus is? Toen ik ze onderlest us tegenkwam ik ehzeid
dat ik dat dan wè wou doe. Ze lachte wat in zei dat ik ter
wè van zou ore, as 't nódig zou weze. 't Is a een êle tied
ehlee in ik ore ma niks. Kiek dat vind ik noe aarg. Die par
ticipatiemaatschappij werk nog van gin kanten. Ik begrie-
pe wè dat ze een ouwe vent nie ander lief wil laete komme.
Ma ze mot ut ok us van mien kant bekieke. Ik verlange
waas trug ni men jonge tied, want wat was ter mooier dan
je vrouwtje der rik te wassen? As ze mien dat noe laet doe,
dan aalp ze mien om di wi an trug te dienken, in dan voele
ik men eige wi jonk.
Zierikzee, Harry Boot
Van de adviseur streektalen
Vragenlijst 7 Vraag en Antwoord
De laatste Zeeuwse dialectvragenlijst voor de zomer staat
online. De lijst kan ingevuld worden tot 30 juni. Daarna
laten we alle invullers van een welverdiende vakantie
genieten tot oktober. De zevende vragenlijst staat vooral
in het teken van getallen en loopt parallel met de lijsten
van de andere provincies. Het is immers de bedoeling
31
V.l.n.r. secretaris Rinus Willemsen, voorzitter Hans Jebbink, de be
stuursleden mw. Ria Nieuwenhuijze, Kees Heule en penningmees
ter mw. Prieneke van Hoeve.