Nehalennia winter 2014 nr. 186
is ze mit z'n 'etrouwd. Ter gelegenheid van die gebeurte
nis is toe femielje vanuut Ouddurp met vissersschuuten,
zogenaemde blaezers, dêêrheene 'ereisd.
Laeter ging moeder aok wel 's bie meu'ie Belia logere. Hoe
ze dêêr dan kwam, weet ik niejt. Aok d'r jongsten broer,
ome Jaop, gieng d'r wel 's 'n weeke nae toe. Die gieng dan
op de fiets. Op d'n Hoek van Sint Jaepe in Oude-Tonge
kon je dan mit 'n klein bóó'ie nae Bruunisse overvaere. 't
Was dan allemaele bie mekaore 'n ofstand van ongeveer
zeventig kilometer.
Die naom van mien kreeg verkêêrieng mit 'n buurmeisje
van meu'ie Belia. Nae z'n trouwene heit 'n êêrst nog 'n
hortie in Ouddurp 'eweund in laeter is 'n in Thole góó
weune. Hij wérkende bie boer Sieling, die van Melissant
ofkomstig was. Sieling weunende op 'n móóie stee in
art-decostijl, mit 'n toren'ie d'rop, even buuten Thole. Die
boerderieje hiejtende 'Stadzicht'. 'n Broer van Sieling was
op Flakkêê naauw betrokke bie de NV Haringvlietbrug.
Hie was zelfs êên van de hotemetoten, in d'r woordt ezeid
dat hie model estóó heit voor éên van die veinten van 't
stoere graniete beeld dat bie de Haeringvliejtbrugge stóót.
Noe zouwe moewder in ik voor'n paer weken naer Thole
góó. 't Mot in de zeumervakansie van 1957 'eweest hè. We
gienge mit openbaer vervoer, mit d'n bus, want d'n tram
ree sind 'n jaer niejt mêêr. Allêêne 't lijn'ie Menheersen
- Menheersense Hóód was nog in gebruuk voor goedere-
vervoer.
Van 'n tante mochte m'n 'n koffer lêêne. Dêêrin wiere de
klêêren edae: wat zeumergoewd voor deur de weeke in 'n
paer verschóóniengen. Ielken dag 'n schóónen ongerbroek
was in diejn tied niejt gebruukelijk. Mar as ie op reize
gieng, dee je wel altied n schóónen an, want moewder zei
altied: As je ongerweege soms 'n ongelok kriegt, in naer 't
ziejkenhuus mot, hei je in ielk geval 'n schóónen onger
broek an'.
Noe zatte m'n in uuze 's zondaekse klêêren in d'n bus nae
Menheersen. Dat was makkelek, want je hao dan gelieke
klêêren bie je om op zondag nae de kérke te kunnene. In
Menheersen steppende m'n over op d'n bus naer De Plae-
te. In Achthuuzen steppende m'n uut in gienge gelieke d'n
diek of nae 't café, wêêr veinten zatte te kaertene in 'n paer
waere d'r an 't biljartene. Ik was dêêrvóór nog nóóit in een
café geweest, want dêêr kwam ie geweun niejtD'r most
êêrst 'n taxi 'ebeld woore, die je nae Sluushaevene zou
brienge, want openbaer vervoer dêêr naetoe was d'r niejt.
Even laeter zatte m'n in de taxi. De bóót naer Dintelsas van
rederij Van der Schuyt lag al klaer. We gienge an boord.
Noe was 't zaek om 'n chauffeur an te sprekene om mee te
magge riejen naer bevoorbeeld Dinteloord of Stêênbèrgen.
Want aok vanof Dintelsas was t'r gêên openbaer vervoer,
't Lukkende, m'n konne meerieje toet Stêênbèrgen. Dêêr
steppende m'n op d'n bus nae Bergen op Zoom in dêêr-
vandaen op diejn nae 't eiland Thole. Tegen de middeg
kwamme m'n dêêr an. We hao 'n reize achter de rik van
ruum vuuf uren!
't Wiere twêê hêêl leuke weken in Thole, 'n prachtig oud
sta'ie mit wallen in 'n gracht, de veste, in 'n móóie gróóte
laetgotische kruuskèrke mit 'n indrukwekkend interi
eur. Niejt dat m'n oom van die kérke was, nêê ze waere
van de gereformeerde gemêênte, 't kleine kèrkje in de
Kruuttoren. 's Zondagsochens gienge m'n dêêr naetoe.
De ouwe psalmen van Datheen wiere d'r nog 'ezonge. An
de 'nieuwen riejm' van 1773 waere ze nog lange niejt toe.
'n Ouderlieng las diejn ochend 'n preek van 'n een 'ouwe
schriever'. Hij hao 'n bee'ie moeite mit de lastige woorden.
Zo las 'n bevoorbeeld 'den goddelozen atteist' voor 'atheïst,
's Aeves gienge m'n mit naom Jaop naer de 'gróóte kérke,
zodat wielle aok 't prachtige interieur konne bewondere.
Heel indrukwekkend, aok 't móóie urgel mit de beelden
bovenop de voorkant!
M'n neven, van wie d'n oudsten mar 'n paer weken jonger
was as ik, liejte mien van alles zieje. We kuierende deur
de Bosjes, 't stadspark op de wallen, wiele spelende in het
stróó in de schuure van Stadzicht in reeje op de fiets nae
snoopwienkeltie van tante Kriena in 't Ouweland. Aok
gienge m'n zwemme in de oesterpitten, waarin die weeke
vors waeter in'elaete was uut de Eêndracht. 't Leek noe 'n
gróót zwembad.
De twêê weken vloge omme in 't wier tied om wêêr naer
huus te góón. Op 'n middag ongernamme moewder in ik
de reize vromme. Hoe m'n bie Dintelsas terechte kwamme,
weet ik niejt mêêr. Wêêr mit 'n taxi? In ielk geval konne
m'n meerieje mit 'n vrachtwaegen van de firma Van
Rumpt uut Stad an 't Haeringvliejt.
In dêêr stonden m'n dan op d'n diek bie de meule van Stad
te liftene, want aok dêêr was toe 'n gebrekkige verbindieng
mit Menheersen: moewder in d'r zwarte regenjas in d'r
zwarte stróóhoewd op, want ze was nog in de rouwe van
opoe, in ik in 'n zondaekse klêêren, mit 'n nieuw kapsel.
M'n nicht hao m'n haer achterover'ekamd in mit 'n soort
spul dat als 't opdraogende stief wier, econserveerd. 't Leek
noe wel 'n bee'ie op 't kapsel van Elvis Presley.
Al gaauw stoppende d'r 'n auto, die uus naer Menheersen
brocht. Vroeg in d'n aevend waere m'n wêêr thuus, nae
wêêr 'n reize van ruim vuuf uren. Gelokkig hao m'n tussen
de middeg al 'wèrm' 'egete bie oom in tante.
Noe ka j' dit alles haest niejt mêêr voorstelle. Ik rieje in
vuuftig menuten naer Thole in de móóie stee Stadzicht
stóót tegenwoordig hêêlemaele in'ebouwd in de nieuw
bouw.
Pau Heerschap, dialect van Ouddorp
19
Bebouwden Oam
Hier weunende meu'ie Belia in 't huis reks naest 't éérste huus
reks. Moewder in ome Jaop logerende dêêr. In laeter ik aok, toe
ome Jaop d'r weunende.
