In de scheerstoel
wh, w
20
kepot, computer kepot, olie lekke. Ja, wat dienk ie? Haest
225.000 kilometer, in twaelf jaar oud. Al die elektronica:
torenhaoge rekeningen! In ik docht op 'n gegeve moment:
Noe is 't klaer!
De garagehouwer hao nog 't êên in 't aore in de showroom
stöó: 'n oud Peugeootje, aok nog 'n BMW van acht jaer
oud en dan dat kleine Hyundai'ie. De aore auto's waere
veels te diere in deze crisistiejen.
Hie zeit: 'Göót dêêr mar 's in zitte! Lekker haoge hee? Zit
ie niejt as 'n vorst? Ja, dat is beter op joew leeftied, veel be
ter voor je rik! In zóó ka 'j aok nog beter op verkêêr lette.'
De pries veel mee voor 'n auto'ie van drieïneenhalf jaer.
In d'r stieng mar ruum twêêinvêêrtigduuzend op de teller.
Bovendiejn zat 'r nog anderhalf jaer febrieksgaransie op.
Toch êêrst mar 's even 'n proefrit'ie emaekt. 't Zat best wel
lekker in 't bleek best wel 'n fel bêês'ie. D'r bleek aok nog
van alderlei extra's in te zittene: 'n goeie airco, elektrisch
bediejnbaere ruuten vóór in 'n geluudsinstallatie mit vier
boxen: 't klonk haest net as in de BMW. Bovendiejn an de
buutekant nog mistlampen in vanachter parkeersensors.
Mar de tiedklokke bleek niejt hêêlemaele goewd te
functionerene. Die was geïntegreerd in de geluudsinstal
latie. Mar gêên nóód: ik kreeg geweun 'n splinternieuwen,
vanwege de fabriekgaransie nog.
In 't begin hao 'k nog wel mit rouwverwèrkieng te kam-
pene vanwege 't verliejs van m'n BMW. Mar toe 'k de
ofschrievieng zag van de wegenbelastieng, gieng dat gaauw
sliete: minder dan de helft van 't ouwe bedrag. Van de ver-
zekerieng kreeg 'k zelfs nog 'n behoorlijk bedrag vromme.
Mit éên tankie van dertig liter kan 'k wel vuufhonderd
kilometer haele. In makkelijk parkere!
Toe 'k de êêrste kêêr mit m'n 'nieuwe' auto'ie nae Men-
heersen most, ree d'r toet Stellendam zóó'n teute voor m'n:
'n Renault Scenic was 't. Je kent dat wel: dan wêêr zeventig,
dan wêêr tachtig in soms vuuftig. Ik docht: Die haele 'k bie
de retonde van Stellendam wel even in, dan bin 'k 'n kwiet.
Mar móói niejt! Hoe 'k 'n aok op z'n staert trappende, ik
kwam d'r niejt verbie. Toe hè 'k m'n eige mar bescheije
vromme laete zakke.
Och, as ie ouwer woordt, za j' toch allemaele gas vromme
motte neme.
Pau Heerschap, Ouddorp.
In deze nieuwe rubriek bieden we podium voor grappige
stukjes met een kritische ondertoon. Jan Lauret bijt de
spits af. Jan is regelmatig te beluisteren bij Omroep Zee
land op maandagmorgen tussen 11.00 en 12.00 uur met
een column.
De Zêêuwse identiteit
'k Weten nie of judder da weten, maor wen op di moment
een regerieng die a nie anders doet as bezuunigen. Op
alles, dus ook op udder eigen. Minder ambtenèren dus,
minder provincies. En daor ao je 't gedonder, ee. De min
ster van Binnenlanse Zaoken wou ons Zeêland op eên oóp
gooien mee Zuud Olland tot een soort Gewest Zuudwest
Nederland. Nou dad ei tie geweten. Omroep Zeêland
en de PZC aoden d'r mao druk mee. Onder de noemer
"Handen af van Zeeland" wier d'r een Andteêkeniegen-
aktie ontketend. In een vloek en een zucht aoden zoó'n
twintigduuzend Zeêuwen een petitie geteêkend tegen de
dreigende saomenvoegieng. Onder het motto dad verlies
van onze Zeeuwse identiteit het ergste zou zin wad ons as
rechtgeaorde Zeêuwen zou kunnen overkommen.
Mao wad is dad eigenluk, die Zeêuwse indentiteit en
moeten we d'r groots op zin en moeten we d'r as leêuwen
voo vechten: Luctor et emergo, weet je wè. Moeten we de
minister van Binnelanse zaoken z'n oóren wassen a tie nao
Zeêland komt en um laoten voelen dad 'r mee de Zeêuwse
identiteit nie te spotten valt.
Ik gaon ier eerluk vertellen dad ik nie meegedaon èn aon
die Aktie. omda k'r toch nog 's goed over wou naodienken.
Ik bin een geboren Zeeüw, een Zeêuwsvlaomieng zelfs en
dao begint het gedonder naotuurluk al, ee. Pak binnen één
provincie tweê streken, bekiek de cultuur, luuster nao de
taole en dan zou je, in 't geval van ons eigen Zeêland de
stoute gedachte kunnen ontwikkeln dad het voo Zeêuws
Vlaondren geên zot idee zou zin om, a t'r dan toch geher-
indeêld moe worren, aansluutieng te zoeken bie Belgisch
Vlaondren en voo Schouwen Duveland is een stepje in de
richtieng van Goeree Overflakkee, Zuud Olland dus, ook
geên gekke gedachte.
Zö'n doosje.