Aflevering 173 herfst 2011
Een méns zonder gebrek,
is een elestiek zonder rek.
Een vint zonder goed,
is een liikebidder zonder oed.
Een schole zonder lêêrkracht,
is een ezel zonder ezelsdracht.
Een veugel zonder vlèrke,
is een toren zonder kerke.
Een borrel zonder alcohol,
is een èrdol zonder muzenol.
Een woestijn zonder zand,
is Brugge zonder kant.
Een pauwe zonder stèrt,
is een ruiter zonder pèrd.
Een zanger zonder vèsje,
is een kandelèr zonder kèsje.
Een méns zonder verstand,
is een koning zonder land.
Een dichter zonder gedicht,
is een lampe zonder licht.
Leen de Jonge, Evergem, voorjaor 2010
CRISIS
1.
Crisis of resessie, wat is 't noe eigelijk? Ik weet et nie. "t Is gêên depressie,
want di kun je pillen vö kriege. 't Is een crisis zaage ze. Maarke julder dat
ok? Ik der véé moeite mee in di wil ik ut noe us over
Komme julder nog wel es op de bank? Ikke nie mi. Ze magge mien nie mi
dienk ik. Een paer jaer ehlee was ik ter kind an uus. Je was dan meneer,
in je kreeg aoltied een bakje koffie. Je gieng dan naer uus mit een eleboel
papieren waerop stieng oe of je an geld kon komme. Ik kwam di aolied vö,
om daerover te praeten. Dat gieng best goed. Drie keer ik een twêêde
hypotheek op me uus ehkrege. Di most je dan je overwaerde vö inlevere. Di
ik gin moeite mee, want di doe je toch niks mee. Wat men di van genote.
Men gienge vier keer op een jaer mit vekantie. Een keer ehmae ni Zuud
Amerika, in men ök een
kroes mit zo,n grööt schip ehmaekt. Vaarder elk jaer een paer keer ni
Frankriek of ni Spanje. O ja, dat vergeet ik bienae, men bin ök dwars du
Siberië ehreeë. Mit de trein. Dat was best een lange zit, ma men der vrëêd
van genote, gloaf dat ma.
Der binne der onder jullie bie, die dat anders doe. Ik begriepe dat nie. Geld
dat je overeit, overgeld dus) dat leie toch nie op de planke. Je mot di wat
mee doe. Vö een auto of vö andere diere diengen je 't nie nodig. In de
advertenties stae bienae nooit de pries der bie, allêën de pries die je per
maend mö betaele. Dat is bienae niks. Men auto ruil ik iedere twêë jaer in,
in dan begin je wi mit een nieuwe auto, in een nieuwe biedraege. Makkelijk
toch, je rie aoltied in een nieuwe auto. Vö je stand is dat ëêl goed. De
maansen kieke tegen je op.
