50 Aflevering 173 herfst 2011
Gymnasium
I.
Vanof d'n steilen heuvel in de buurte van Rhodos-stad zag 'k in de diejpte
't gymnasium ligge: 'n stadion van stêên. 't Was of ie in 'n afgrond keek in
in m'n gedachten zag ze in de oudheid renne in sprienge: Jonge gespierde
atleten die strevende nae de haogste pries.
Toe zag ik inêêns m'n eige wêêr, mêêr dan fuufteg jaer elee, op schoole zitte.
'k Zat in de derde klasse, 't was net nae 't speelkwartier, we hao de leien mit
veel gekletter al tevoorschien ehaeld, dat de mééster zei: "Ruim maar weer
op, jullie krijgen gymnastiek."
Dat vak hao m'n nog nóóit ehaod. Deur de klasse gieng d'r 'n vlaege van
opwindieng, mar niejt te érg, want aors gieng 't niejt deur.
In de schemerige gank, wéér de
geure hieng van honderd jonges
die 't 'r op de plee naest edae hao,
moste m'n zachies in de reie göö
stöó.
In ganzepas gienge m'n deur
't homige 't pomphok, want
waeterleiding was 't 'r toe nog niej,
in even laeter stienge m'n in 'n reie
in 't ruuge gors, tussen de vuulten,
achter de schoole.
Dêêr was aok d'n tras in de welle. 't
Voelende allemaele wat vreemd: je
was op schoole in aok wêêr niejt.
In de diejpte 't gymnasium... foto Pau Heerschap).
In de grond waere twéé
haogspriengpaelen esleege. Ze
waere van mééster de Lêëuw,
die sportief was in aok jaegende.
Hie hao ze emaekt van twee
bezemstelen, die 't 'n kretablaeuw
evèrfd hao. Over spiekerties ko j' 'n
touwe steeds haoger lègge.
De mééster hao z'n hoewd stief op
z'n höód edrukt in om z'n nikke 'n
sjaol edae, want hoewel de zunne
scheen, stieng d'r toch nog 'n
ievallege wind.
As d'n volgenden sprienge most, gaf
'n stijfies 'n knikkie mit z'n hoewd.
't Geweune plein vóór de schoole.
A 'j 't touwe d'r of espronge hao,
mos ie an de kant göö stöó.
Toe 't op de haogste spiekerties lag,
most in zou 'k 't haele. 'k Nam 'k 'n
anlaop in spannende m'n spieren
toe 't uuterste.
Ouddorp. Chr. School.
