En voor de goeie orde, schutters kunne net zö goed
mannen as vrouwen weze a bin de leste nog zwaer in
de mindereid.
De vereênigen of sociëteiten moaie neamen. In
Ovezande en KLoasterzande is het Willem Teil. De
legende vertelt dat die op bevel van de landvoogd een
appel van het oad van z'n zeune most schiete. Toen a
dat 'elukt was en de landvoogd vroeg waèrom a t'n twT
pielen bij z'n ao, zei Willem dat 'n die voe um bestemd
ao in 't geval a t'n z'n zeune erocht ao. Toen wier
t'n af'evoerd, mae die wist te ontsnappen en schoot
toch de langvoogd nog doad. Het verhaal ei z'n eigen
af'espeeld in de veertiende eêuw in Zwitserland, a 't
waer is.
Vee schutterijen draege de naem van Sint Sebastiaan,
de beschermheilige van de schutterij. In Kloetinge
eêt 'n zo en ok in Aardenburg, Koewacht, Westdurpe
en Zuuddurpe. Vadder kom je naemen tegen as
Soranus (Eintjeszand) 'enoemd naar een figuur uit
de Griekse mythologie, Spes Nostra (Onze hoop) en
Victoria in Kwadendamme, Zorgvlied in Ellewoutsdijk
'enoemd naè het daezö gelege landgoed) en Concordia
('s-Heerenhoek) Vadder meêr gewone naemen as Edele handboog, Ons
genoegen, en Juliana (Oudelande), Eensgezindheid en Vrije Schutters
('s-Heerenhoek), Zeelandia (Ovezande), Westerschelde in Terneuzen, Ons
vermaak (Axel) en Sint Jan in Sint Jansteên. In Graauw eêt de club 'De
Friezen'. Da za wè te maeken te maeken mie het feit a t'r in Friesland ok
een Graauw is. Misschien bin de Graauwenaers een 'over'eschote' groepje
Friezen nae een uut d' and elöpe strooptocht of ze verkeerd ewist en bin
ze de Schelde op'evaere twint at het de Waddenzee most weze.
'Andboogvereênigen bin ontstae uut de vroegere schutterijen. De schutterij
was een klein legertje dat a in dienst was van een kasteêleêr, een landvoogd
of laeter van het gemeente- of stadsbestuur. De schutterij most de orde
bewaere en de burgers bescherme. As wapens ao ze zwaerden, lansen en de
piel' en boge. Toen a 't buskruut ekommen is, kwaeme 'r geweren. De piel'
en booge wiere toen eigenlijk overbodig. Het bleef bestae as liefhebberij.
De 'andboogsport kreeg een impuls onder Koning Willem IIIdie a zelf
beoefenaar was. Vee vereêigingen datere dan ok uut de twidden elt van de
19de eêuw.
De 'andboogsport ei een enorme ontwikkeling deur' emaèkt. Nest de
wipschutterij bin d'r deur de komst van ander en geavanceerd materiaal
nieuwe vurmen van schietsport ontwikkeld. Vurmen die a ok aantrekkelijk
bin voe jongelui en waèvan het niveau en wedstrijdgehalte van het spel vee
sterker speelt dan bie de wipschutters. Ovezande ei een uitgebreid complex
mie stengen en baenen voe verschillende takken van de 'andboogsport.
Jong en oud kunne hier letterlijk goed met mekaore opschiete.
Engel Reinhoudt
Aflevering 173 herfst 2011
47
raimÏMmWfèéil
Dit artikel is een bewerking van een hoofdstuk uit een komend najaar te verschijnen boek over
de schoonheid van De Zak van Zuid-Beveland.