i>
54 Aflevering 172 zomer 2011
te gelaoven. De vrouwen droege 'n soort rok van riejt of ouwe klêêren, in
ik voelde m'n geliek tuus. Mar ik vroeg m'n eige of: Zou Paulus hier ook
geweest hao? Ze hadde allêên 'n pijl in boog, speren in bamboemessen. Ik
begreep van Elias onze zeune dat ze alllëën mar levende van de jacht. D'n
êênen tied op wilde vèrrekes en de andere tied weer op vis.
De durpjes binnen mar z'n 80 tot 100
ménsen grööt. De gemiddelde leeftied is
15 jaer. D'r groeie kokosneuten, in aok
wel bananen, vaorder ete ze sago van de
sagobaomen.
Huus
D'r warre alvast wat baomen omgehakt,
Elias mit z'n team van twêê arre gezinnen
hadde bielen in hakmessen meegebrocht,
in in't begin wouw iederéén daer wel
mee hakke. Infein, me hae daer lekker
meegeholpe.
't Huus (foto Arie En as je daer dan driej weken tussen die ménsen leeft, dan maek je van
Struik). alles mee.
Zoas:
- 't Is daer érg hëët, 35 gr. celsius in bienae altied mit 'n haoge
luchtvochtigheid, dus driej kêêr per dag douche, in je hoef je eige niet of
te draoge, want je bluuft nat. Ze zitte in de seppikprovincie: laege in nat
land mit veul, heel veul waeter mit krokodillen.
- Olifanten, lêêuwen of aepen ha'k t'r niet gezieje, aok gêên bêêren, gêên
brune, gëën witte, in zeker gêên ijsberen. Wel mööie veugels, móóie
blommen inzo, dat wel. 't Eênigste wat daer in overvloed leeft binne
kleine bêêsjes, insecten, zoas, muskieten, schimmels in bacteries,
die binne d'r zat, die zie je niet, mar die ete je wel op, binne dus
levensgevaerluk.
- Die ménsen daer hao enorme dikke soepele voetzeulen, in d'r tenen hao
een soort spreidstand. Ze kanne dingen opraepe mit t'r têênen, héél
hangdig.
- Ondangks dazze nog nóóit 'n haemer in nieptange gezieje hadde, konne
ze in twêê dagen tied tummere, in dink t'rom, ze sloege de spiekrs d'r
recht in. 'n Haemer was 'n hamma hamma, in 'n zaege 'n solo solowie
dat noe verzonne had weet ik niet.
- Persoonluk hao 'k ze geléérd dat azze ze op d'r handen sloege in as t'r
gin bloewd te ziejen was, dan mosse ze roepe au, au, in as t'r bloed bie te
pas kwam mosse ze ehabeo, ehabeo roepe, in dat begepe ze héél goewd,
wat ze riepe al gauw ehabeo, ehabeo, want dan krege ze 'n pleister.
- Ze zagge aok dat je 'n "haer-van-je-gezicht-hael-apparaat" had, dat vonde
ze prachtug, dus ik hao d'r verschillende geschore.
Infein dat huus hao m'n half opgebouwd, in toen mosse me terug. Mit
piene in 't harte, dat kan'k je wel zégge, want je gaet toch die ménsen
kenne en d'r van houwe.
