52 Aflevering 172 zomer 2011
waor a vroeger die uusjes stongen te blienken.
Wie weet er nog waor a 't Viengerling lag
of da'j in die buurte de Zevenuusjes zag?
Wa mêêr nao 't noorden lag de Noordoek.
Van dao was 't nie te verre nao Schööiersoek.
Eigenlijk was dat an 't Boerehat geliek
èn da gold oek voo d'n Öögendiek.
D'n Abêêle èn 't Perdies onder Den Oek.
De Bosweië èn d' Assiestraote oek.
An we nao d' andere kant van 't kanaol gaon,
zien we oek naomen uut 't verlejen staon.
Zoo waoren dao Katspolder èn de Koediek.
An d' andere kant 't Lankerik èn d'n Baondiek.
't Naoikussen zu'je nog we kénnen misschien
in wien ao t'r nog nóóit de Sint Anne gezien?
As êênig gehucht naor een eilige genoemd,
waoren die drie uusjes toch wè beroemd.
Dan bin d'r oek nog a wa bluven bestaon.
Kun je nao de Reuzenoek of de Griete gaon.
Den Oek van den Diek èn de Kraoge
bin oek nog altiid beweund vandaoge.
Oek 't Pontje, 't Veer èn de Val
kénnen nog een geweldig inweunertal.
Net as 't Fort, de Knol èn de Wulpenbek.
Bii d' inweuners nog altiid goed in trek.
Je kun van Potersdiek nao Schaopenbout gaon.
Voo de Ronde putten moe je dan lienksaf slaon.
Van doa kun je de Steenovens nog bezoeken,
of nao Luntersoek of 't Plaotje gaon zoeken.
Over Noten èn me 't vandaoge nii g'ad.
Mao das gêên gehucht, da's een voorstad.
Eêr a ze noe udder arte gaon luchten
gaon 'k mao stoppen mee die gehuchten.
Evergem, zomer 2008
Leen de Jonge
Wiele gienge op reis
Anleidieng
Dat kwam zo, wielle hae acht kinders, de vuuf ouste binne jongens, dan
komme d'r nog drie meiden achteran. In d'n oudsten had 't in z'n hóöd
gekrege om de zendieng in te gaen. Dat was zo omstreeks 2002, hie was
toen 26/27 jaer, in pas 'n paer jaer getrouwd, in ze hadde nog gin kinders
Goewd, na jaeren van voorbereiding is'un daer aok naer toegegaen. Jae,
naer Papua New Gunea mo' je wete, da's Australisch grondgebiejd, niet
te verwarren mit Irian Jaya, wat voorheen Nederlangs was in noe van
Indonesieje. In PNG, dat leit een n' aande weg.
Affein, toen heulie d'r 'n paer maenden warre, schreeve ze 'n briefje, dat
alles goewd gieng. Ze hadde intussen 'n stamme gevonden waer ze d'r
wiesheid wel kwiet konne, dochte ze. Ze sliejpe in 'n tentje, in ze zeije in
