m
56 m
Aflevering 171 voorjaar 2011
Foto Anita Bos.
Noe, dienk je dan a je ziet dat 'n bienae iemand van de sokken loapt, noe
ka je toch wat eerder opstappe in op je gemakje nae de trein gae. Afijn,
ik zei nog, twint da'k mit m'n koffie in m'n stroopwaefel doende was:"Die
reizigers an dat buffet zouwe beter ulder koffer in tasse voor ulder kunne
zette, want z'è d'r noe glad gin zicht op." Dat zei ik wè ma ik gieng nie nae
die maansen toe om ze raed te geen. Zö te zien waere 't ok gin Zeeuwen ma
Jepanners of zö.
Anêêns glee 't andtasje van die vrouwe van de koffer of. Zie oorde dat,
raepte 't op in draoide d'r eihe wT omme. Die man keek 'n oahenblikje
laeter ok achter z'n in schrok z'n eihe wezenloos. Want dat êêne koffertje,
zö'n Samsonite, was vort. Daer ao wulder noe op stae kieke, ma ons wiste
eêst nie wat bie wie oorde. In noe begrepe m'n anêêns oe de vurke in de
stele zat.Wulder riepe nog wae die vint nae toe was eloape in Endrik in ikke
stove ok nog dien trap op. Ik ao dat vintje mit dat hlimmende koffertje best
goed ezie. Ma jao,d'r waere a verscheie menuten verstreke, want m'n aode
twint die waarme koffie in die stroopwaefel achter de kiezen. In op dat
perron bove was 'n groöte kro passezjiers in dae stienge twT treinen klaer
om te vertrekken. D'r was vee te zien, ma netuurlijk gin dief ml. Ons waere
d'r ondae van. In 't waere gin êêns onze spulletjes die verdwene waere. Ons
aode vee te doen mit die maansen. In vö ons was 't wT 's 'n ervaerieng, da
je j'n oahen nie aoltied kan vertrouwe. In plekke van 'n reiziger mit aest ao
m'n 'n dief mit andermans eihendom zie loape. M'n waere op 't verkeerde
bêên ezet.
Toch bin ons ok 's flienk bestole zonder
dat m'n d'r aarg in aode. Wulder waere in
Spanje in toe de vekansie d'r naehenocht
op zat, reeë m'n de lesten ochend in onze
uurauto richtieng vliegveld. D'r was nog
tied om onderwegt 'n stuitje an 't strand
te laahen in 'n stikje t'eten. Onze auto
stieng lengst de wegt geparkeerd net
boven ons. 'n mööie ofslutieng van onze
reize. Naeder'and moste ons de auto
inlevere op 't vliegveld, ma m'n konne de
deure nie mï op slot kriehe. Dae zaahe ze
dan niks van, bie dat kentoor. Da's toch
aordig
Ons aode op die lucht'aeven nog zêêën
van tied vö dat m'n in 't vliegtuug
mochte in ik ao nog 'n penne noödig uut
ons koffertje. Ma die penne was kwiet
in toe zag ik ok dat mööie vienger'oedje
nie ml, dat m'n vö onze schoonzuster
ekocht aode. Zie spaer in plekke van geld
of andeêlen aol zukken spul. Dat was
jammer, toch nie goed op'elet, dochte
m'n.
Aoles verliep varder naer waans in tuus
liepe ons a gauw wT in 't gereêl. Toe m'n
nae 'n paer weken onze betaelkaerten nie
konne vinde, was dat wè raedselachtig,