m Bie m'n tante kwam d'r aok altied 'n vrouwe van stand, za 'k mar zégge.
40 Aflevering 171 voorjaar 2011
't Was al 'n ouwere vrouwe die nööjt etrouwd eweest was, in ik docht dat
ze wel rieke zou weze, want ze weunende in 'n mööi huus, 'n soort villa
eigelek.
Ze praetende aok aors. 't Was wel Ouddurps, mar hêêl lankzaem in op 'n
bee'ie vréémde haoge tööne. Ze vertellen dat ze èrges op 'n recepsie was
weze fielestere. 't Was d'r hêêl ne'ies an toe'egöö, zei ze. In ze voegende
d'r an toe: "Oh, druk, druk dat 't 'r was, vrêêd veel volk was d'r, mar d'r
waere aok 'n haop geweune ménsen." Bie dat 'geweune' klonk d'r wat
mispriezends in d'r stemme. In toe schoot d'r anêêns wat deur m'n hene:
Dus d'r binne geweune in niejt-geweune mensen in wie waere dat dan? As
ie rieke was, höörende je dan bie die niet-geweune? Toe gieng ik twufele of
ik dêêr wil bie woe hööre.
Néé, echt rieke bin 'k nóóit eweest.
D'r is wel 'n tied eweest da'k docht da 'k was.
't Was in d'n tied van Legio-lies. Gouwe bergen wiere d'r beloofd. Toch hao
'k nog wel even m'n twufels. Die naem Legio, hao dat niejt te maeken mit
duvels?
Toch hè 'k vuuf contracten etekend in in 't begin leek 't fantasties. A' 'k
dan zöö'n eindejaersrekenieng zag: dan bleek ik n paer ton an guldens te
bezittene. De adviseurs van m'n bank kloppende letterlek op m'n schoere,
omdat 'k 't zóó mööi voor mekaore hao.
Toetdat de beurzen in mekaore stukende.
Wist ik veel. Ik hao altied 't idee ehaod da 'k mööi an 't spaerene was. In
nog wat jaeren hè 'k trouw m'n contributie estort voor de restschuld, 'k Hé
zelfs hypotheek mot neme om Dexia vaerwel te zèggene.
Néé, rieke bin 'k nööit ewoore, mar geweun 'ebleve, hoop ik wel.
Toch hööre ik in gedachten soms nog de woorden van moewder:
"Joe raekt nog 's 'n kêêr an d'n êrmen."
Dus mot ik toch nog op m'n tellen bluve passé.
Pau Heerschap, dialect van Ouddorp
