Aflevering 171 voorjaar 2011
Misschien is dat dan meêr iets voe a je mie de VUT bin, of mie pensioen?
Ja kiek, de VUT is of'eschaft en pensioen is ok op z'n vroegst mie 67.
Dae ka je nie mi op wachte. Mae je ei wè geliek a je zeit da de meeste
dialectschrievers en -vertellers mensen uut die groep bin. Dus dan kan 'k 't
misschien ok mae beter an die groep overlaete. 't Wor trouwens ok aolmae
moeiliker om lezers voe Zeeuwse geschriften te intresseren. D' ouwere
wille nog wè, mae die dikkels voraol belangstellige voor verhalen over
vroeger of voe de lotgevallen van Jaap en Jööne die a voe d' eêste keer in
de groóte stad komme, en daer 'k zelf zo langzaemer'and wè genoeg van
eleze en ehoóre.
Jongere mensen bin dus mie Zeeuws
nie zo makkelik te bereiken?
Nêênt. D'r wor onder jongere
mensen nog wè Zeeuws esproke in
bepaelde kriengen, liek as bie echte
boeren en in sommigte geslote
geloofsgemeenschappen, mae ja, ik bin
ik gin boer en dan bin 'k ok nog 's Roms.
Meester Leo, bie oóns op durp, die zeiën
overlesten tegen me da t'n noe in groep
drieë en viere gineên kind mi ei dat a
nog Zeeuws praat. Dan za 't aolemaelle
zo lank wè nie mi dure, veronderstelle 'k.
En a 'k zelf 's 'n keêr op schole tussen d'
are vaoders en moeders zitte (ee, wan 'k
d'r nog eên in groep vuve), dan oöre 'k
m'n eigen prate en dan dienke 'k: jie praat aars as de rest. Oewel a d'r dae
wè nog 'n paer ouwerwetse boeren tussen zitte, en a 'k die oöre prate, dan
geniete 'k. Wan zo werkt dat mie Zeeuws: je voel j'n eigen d'r echt in tuus, a
je 't temissen van uus uut gewend bin.
En joen eigen guus, prate die gin Zeeuws?
Hans de Vos in de M'n oudste zeune van vuuftiene, die kan 't nog wè. Die mag je ok best
weië bie Prediker. nog Pier noeme in plekke van Peter. Mae da's eigelik voraol omma t'n
vee taelgevoel ei, en ie vin 't gewoon
intressant om zo noe en dan ok 's
Zeeuws te praten en 'n paer Zeeuwse
begrippen bie te leêren. Mae oönze
Frank, van dertiene, die ei dat dan wee
nie. D'r speel natuurlik ok nog mee da
m'n vrouwe uut Oöst-Brabant komt, en
onder mekare prate me gin Zeeuws. En
oönze Joris (die uut groep vuve), die
ei ok niks mie Zeeuws. Oewel a t'n 'n
stuitje elee toch mie eên mooi woordje
naer uus kwam, en dat was "dulve".
Eên van de mooiste Zeeuwse woorden,
vinne 'k zelf. In elk geval mooier as
"platte zeuge", wan da kan 'k nie
tuusbrienge.
Frank, Joris en Pier
de Vos.
