37
JEZUS
MESSIAS
Aflevering 171 voorjaar 2011
ouwe mensen vroeger aoltied vroge: Zegge, van wien bin jie d'r eên?
Na, goed dan. Wien was je vaoder en wien was je moeder?
M'n vaoder was Piet de Vos van 's Eêren'oek, en m'n moeder was Corrie
de Winter uut de Riekebuurte, tussen Kwaedamme en Oedjeskerke. Dus
nie de Riekebuurte bij 's Eêren'oek, mae dien are Riekebuurte. M'n vaoder
ei eest lange tied as elektrizein ewerkt, en daenae, toen a 't nie mi gieng
mie z'n rik, toen mocht n op kantoor komme. En m'n moeder ei aoltied
't uus'ouwen edae. Tuus wazze me mie vier guus, ik nog drie jongere
zusters.
Wat wazze joen ouwelui voe mensen? En ei jie dae ok wat van
mee'ekrege?
't Wazze gewone, ouwerwetse mensen, mae wè eêl ruumdienkend. En ik
dienke da 'k zelf ok zo bin. M'n vaoder ao vee technisch inzicht, en daer
'k dan wee 'n wiskundeknobbel an over'ehouwe. Mae die taelgevoelig'eid,
die a 'k toch ok wè dat wete 'k nie waer a die vandaen komt. Wellicht
kom die ok van vaoders kant, mae dan van 'n generasie vadder. En
dan is t'r is ok nog 'm minder goeien eigenschap die a 'k ehorven 'n
zogenaemde prosopagnosie. Ee, da beteêken da 'k moeilik gezichten trug
kan kenne. Dan dienke de mensen da 'k ze nie mi wil kenne, mae 'k zieë 't
dan gewoon nie.
En watvoe werk doe je? Of wat ei je aol zoa edae?
Toch wè 'n bitje van aoles. Les geve, bie-les ok, onderzoek doeë,
programmere, ontwikkeliengswerk in 't butenland. Op 't öögenblik werke
'k as programmeur in Roosendaal. Da's wè nie m'n groöte levensdoel, mae
't ouw je toch van de straete, ee. A d'r trouwens nog Bevelanders bin die a
Zeeuwse boeken deur dit leze en die a nog bie wiskunde bie-les zoeke, dan magge ze mien aoltied
Quidam. belle.
Jie doe toch ok nog a wat Zeeuws
vertaelwerk? I s dat nie meêr iets
voe joe?
Da vin 'k wè butengewoon moöi
om te doen. Voraol a 't nie aol te
moeilike, mae wè eêl diepzinnige
teksten bin. Die teksten ka je dan
in 't Zeêuws eêl diepe toet j'n eigen
deur laete drienge, omma dat Zeêuws
natuurlik eêl nae an j'n arte ligt. En
wat a je dan oopt, is da je lezers dat
ok zo ervaere. Op die maniere ka je
belangrieke en zinnige booschappen
echt kort bie de mensen brienge,
en dan ka je ok nog wat biedraege
an zo'n tekst. Mae ja, mie zukke
activiteiten ka je natuurlik gin cent
verdiene, dus dat za toch aoltied 'n
hobby bluve.
Moést vertelde veihae