VARIA Aflevering 170 winter 2010 63 Tot slot nog nieuws uut Tholen: Jullie in Thool'n bin van drie mal daogs Da zei e's een vintje uut Weumelienge: "Thool'n, dae zou ik noe nooit will'n woon'n, dae bin ze van drie mal daogs." Nou, 'et is nog gekker, we bin noe van '"n 'Eêle weeke" Van 3 tot 10 november vierden m'n in Thole de WEEK VAN HET BOEK, de Biebel dus. Nie alleen in Thole, mar oak op de Braebantse Wal, in de kerreken van Berrege, 'Altere, Steênberrege en Ossendrecht. 't Was een prachtige weeke, vö groöte mensen en vö kinders. Verhaelen, poppespel, tentoonstellingen, vee meziek, jazz, gospel, pop, mar oak een Bachcantate. En in Berrege "de Nacht van de Psalmen" Noe is 't om deze tied van 't jaer vroeg donker, dus 't is a gauw nacht, anders waere m'n nog vö d'n donker tuus gewist. Ma 't was wè mooi. Verder m'n "biebels-bourgondisch g'eete in Steênberrege, gedichten geschreve en bibliodrama gespeeld in Thole en tot slot 'n aeve'd vreêd vee gelache in Ossendrecht. Thools dictee Noe è'k tot m'n spiet eên aeve'd over motte slaen, ma dae kwam wè een buutengeweun mooi'n aev'ed vö in de plekke. Op 3 november 'adde m'n oak het Eêste Groot Thools Dictee in Vosmeer in de Vossekuil. 'n Groot succes! Erreges anders in dit blad kunne je d'r 'n stikje over leeze. Ma vö kommende jaere zie 'k de buuje al 'ange: Weêr een 'Week van het Boek' begin november en weêr een 'Thools dictee' op 2 november. Dan za 'k weêr motte kieze. Nou, dat dictee dat 'ouwe 'k er in, da snap je wè. 't Thoolse bloed kruupt waer a 't nie gaen kan. Ma sprak 'n beroemde Amsterdamse filosoof nie us 'n keër de wieze woorden: "Ieder naedeêl ei z'n voordeel"? Kunne me nie van de noöd een deugd maeke en iets mit een biebelboek in 't Zeeuws doen? In Ellesdiek weete ze d'r aolles van. Dae vertaele ze biebelboeken en daer 'ouwe ze al jaeren kerrekdiensten in 't Zeeuws. Dus a 't an mien leit: in de eêste weeke van november 'n kerrekdienst in 't Zeeuws in Thole.... eên^e mar, geên drieë. Saartje Suzanne GROOT DICTEE DER THOOLSE TAAL Op 3 november 2010 is in Vossemear het "groot dictee der Thoolse taal" g'ouwe. Dat gebeurden in 't kader van de viering Oud-Vossemeer 600 jaar, georganiseerd deur de stichting "Stchting Oud-Vossemeer 600 jaar". In meie wier deur Rien Tholenaar uut Vossemaer, as bestuurslid van die stichting, an 7 ménsen gevroge om saemen op te treeën as jurie vö de correctie

Tijdschriftenbank Zeeland

Nehalennia | 2010 | | pagina 65