56
Aflevering 170 winter 2010
Rozemarijnstraotje
Slaogerieje den 'Aomer zat dao mee z'n zaok.
Die sloeg bie 't vèrken altied raok.
Jan de Zeeuw, loodgieter was z'n vak,
potten en pannen was een andere tak.
En Stout'aomer die schoenmaoker was,
kwam nogal is van pas.
Van de Velde Siene
ao een krujenierswienkeltje en praots vor tiene.
Dao zat oek nog een groenteboer, Wannes van Doorn
mao da ei je, dienk ik, a höörn.
Driesje Keizer en Maotje Deurwaorder, krujenier.
Al wa je nöödig ao da von je ier.
Mietje Riemes, textiel en handwerkmateriaol,
da verkocht ze allemaol.
'Eintje 'Oog, eihenluk Houg geheten.
Elektrische artikelen en lampen, je moet 't mao weten.
De bakkerieje van Moens was daor oek in 't straotje
en die was nie vies van een praotje.
't Kiezelstraotje
Dao zat nog de Pooter, die was koleboer
Om dao te weunen was 'n êêlen toer.
Axelsestraote
Johantje Wisse, een electriciteitszaak,
die ao wa voor ieder z'n smaok.
Kees Keizer was schilder, z'n vrouwe dee de drogisterie.
Da kon allemaol derbie.
Bram Dêê, textiel en wol,
dao'van was z'n wienkel vol.
Chris van de Velde, annemer en metselaor.
Z'n zeune stong nog lang voor ons klaor.
Jan 'Aomelienk was bakker.
En da was een echte rakker.
De slaoherieje van Wisse da was een kruus
wan die slachtten eihenluk liever an uus.
Piet van de Velde, buurtwienkel, laoter de VéGé.
Al die buurtwienkels wa moe je der mee.
Jan van Pier,
awêê 'n metselèr 'ier.
Slabbekoorn dao kon je bloemen en planten kööpen
Dao mocht je dus nie zo vère vöö lööpen.
Dao was oek nog een Stoffels die kon de geweren maoken
en de jaogers konden dao van udder buit afgeraoken.
Wullem 'Outzaoger verkocht fietsen en j'n ouwen wier dao hersteld,
en in de werkplaots wieren nog a verhaolen verteld.
Kees 'Aok da was de meulenèr,
oek mee je graon moes je niet vèr.
Joris De Vos, schoenen en zadelmakerieje,
a je naor een ander hieng was tie nie blieje.
