Aflevering 170 winter 2010
55
Fraoienove, slachterieje, hieng oek an uus slachten
en a tur vee waoren dan mos je mao wachten.
Wullemsen da was de pèresmid,
ik dienk a tao nog brood in zit.
Daor ao je oek een fotograaf, Aordewerk Loe
dao hieng je mee al je foto's nao toe.
Cornelissen petrolieboer,
die maokten elke weke z'n toer.
Hotel De Appel da was een echt hotel.
Je kon dur drienken maor slaopen oek wel.
Risseeuw dun bakker op den oek,
die ao lekkere broodjes en oek wel is koek.
Kees 'Aok mee z'n zuster die zaoten in textiel.
Mao Keesje docht dat er as badmêêster meer te verdienen viel.
Café De Vlasbloem ei nooit ard gelööpen,
oewel a je dur toch altied bier kon kööpen.
Dan ao je nog bakker Westerwêël,
die verkocht oek nog veel.
Wannes Fraoien'ove groenten en fruit,
die leurden z'n waoren liengs de deuren uit.
Marie Wullemsen da was de supermart,
dao kreeg je altied je part.
Dan nog 't café van Van der Veken.
Die ao de zaok oek goed bekeken.
Zaogstraote
De gezusters Scheele, krujenier maor ze naoiden oek kleren.
En a je nog jonk was kon je dur oek nog wa van leren.
Rein de Krieger was juwelier,
mao verkocht oek wittekruuspoeiers ier.
Putter de Kok verkocht radio's en anverwante zaoken.
Dao zou die noe nie vère mee geraoken.
Drieschouwenstraote
Stoffels, snoep en krujenierswaoren,
en dad tie gedaon vele jaoren.
Janna van de Vrede een echte buurtsuper verkocht klompen en snoep.
En misschien oek nog wel iets vöö de soep.
Diaconiestraote
Ko van Cadzand, die noemden ze Ko van Giet,
verkocht snoep en vèdur weet ik ut niet.
Kees Jansen was vrachtriejer mao verkocht oek gas.
Die zurgden dur vöö da 't altied wèrm in uus was.
Dao zat oek nog annemer Houg, Piet 'Oog zeijen ze dao tegen.
Die nam alles an in wind en in regen.
Riemensstraote
Jan en Siene van de Vrede
die dao mee krujenierswaoren op de voorgrond ziin getreden
