Aflevering 170 winter 2010
53
't Stoofstraotje
Daor ao je Wullem de Fuiter die verkocht pannen en potten,
en was loodgieter, dao viel nie mee te spotten.
En Lensen, die was vrachtriejer en krujenier, wa d'n bedrief.
Mao dad ao, hlööf ik, nie vee om 't lief.
En oek 'n postkantoor,
dao zurgdn van Vessem vöör
Bram Bastieng was slaoher,
die verkocht vlêês van êêl vet tot ëêl maoher.
Polderstraote
Daor ao je bakkerieje Molzaoke, da was niet zo'n kwaode.
Z'n zeune was reiziger in snoepjes en sukelaode.
J' ao daor oek Kees Oppe die verkocht mosterd ,zelf gemaokt
en serviesgoed aot ie oek in z'n zaok.
Je kon werkeluk om van alles vraohn,
ie leurden 't uut mee de kruuwaohn.
Van Biezen, awêër een buurtwienkel in de straote,
verkocht van alles van 's morgens vroeg tot 's aovens laote.
De daomes Duvestein
verkochten mooi 'oeien en lekkere wijn.
Wanne Joris verkocht drukjes en snoep
en da was zeker hêên troep.
Oele da was 'n wèrme bakker,
die was oek altied êêl vroeg wakker.
'Aok ten Kaote aod 'n wienkeltje in tabak,
das noe een hrööte bank, dus een êêl ander vak.
