Aflevering 169 najaar 2010
55
Wat was de netuur vroeger toch netuurlek.
Alles was t'r geweun zöóas t'r altied al was.
De slööten waere vanzelfspekend helder,
zööda' je kon zieje wat 'r zwom of kroop.
Sallemanders in puuten in 't voorjaer in
aok wel bloewdzuugers in alderlei torren
't krioelende d'r van in de slööt bie Duunkèrke (naam van een boerderij)
in je zat mi je schepnette paraat.
In de zeumer vloge de bonte keezen. (julikevers)
Je kon ze zöö griepe van 'n blad.
In 'n schoewedööze doewe mit 'n
plok bontekeeze-eten d'r bie. (echt walstro)
Dat spul rook net as die béésten
in je docht da ze 't wel zouwe luste,
mar ze gienge d'r dööd van. Wat blaen
van 'n popeliere zou beter eweest hè.
Om de dööze dee je dan 'n weckrienk,
- want postelestieken hao toe nog niejt
in in 't deksel wat gaeten voor lucht,
't Zaekie was noe voor d'n handel geschikt.
Zöö gieng dat dan mee nae schoole.
Onger je schoolbank mocht 'n dan stöö.
Soms begonne d'r wat kevers keesss-keesss
te roopene, want ze dochte deur d'n donker van
't deksel dat 't nacht was in da ze moste vliege.
In 't speelkwartier begon dan d'n handel.
Een cent voor 'n kever was toe 't terief
in d'r ontstong 'n negosie van jewelste.
Polyphylla fulla Noe liekent wel of die béésten verdwene binne,
(foto Pau Heerschap) 'k hè d'r hier al jaeren géén méér ezieje.
Je vraeg je eige of hoe dat toch zou komme
in dienkt dan mit weemoewd wéér vromme.
Toe 'k op Samos in Griekenland was,
in Ireon bie de ruwines van de Heratempel
zag ik nae méér dan dertig jaer twéé
bontekeezen op 'n tak van 'n pijnbaom zitte.
Zöö vaorde van huus most ik toe dienke
an 't schoolplein in Ouddurp, wéér m'n onger
de kastanjebaomen mit uuze schoewedöözen
zatte. Van onger 't deksel klonk keesss-keesss...
Pau Heerschap, dialect Ouddorp