50
Aflevering 169 najaar 2010
Veranderend land of nostalgie?
Struken en böömen an de kant van de wegt
Worre gekapt en gesnoeid
Uutgedaen as was 't vuulte
Bouwland en weien worre overööp gekrauwd
Mee grof geweld wor aolles omgezet
Betonne tunnels onderbreke ineens 'n polderwegje
De mensen motte zonöödig mee
D'r auto's vlugger nae d'r bestemming
Nae d'r staecaravan, d'r tweede uus, d'r plekje op de camping
Nae 't strand of weet ik vee
O, ik kan 't we begriepe 'oor
Niks is bluvend in dit leven
Da bin mun zelf öök niet en
Dat is soms mae gelukking öök
Mae 'k bluve 't jammer vinde
Dat of nae d'n oorlog zeker ier
Mee vee moeite weer is opgebouwd
As de tuun van Zeeland
Noe weer zo op de schoppe most.
Of... zeur ik noe
Veranderend land Jaap Murre, dialect van Poortvliet
foto Jaap Murre
.-.V
