MEDEDELINGEN VAN DE ZÊÊUWSE
DIALECT VERÊNIGIEN G
VAN DE REDACTIECOMMISSIE
De redactiecommissie is weer ijverig bezig geweest om een zo gevarieerd mogelijk deel van
Nehalennia aan de leden aan te bieden. Veel aandacht is er voor de Dialectdag in Kapelle. Dat mag
ook wel, want die dag is een feestdag in ons verenigingsjaar. De heer De Jonge uit Bergen op Zoom
kwam in de vorige aflevering met een doompupe voor de dag. Hierop kwamen bij ons twee reacties
binnen. Het nieuwe Zeeuwse Kinderspelenboek is zo langzamerhand een begrip geworden. We
ontvingen veel leuke reacties en het bewijst, dat we als dialectvereniging goed in de roos hebben
geschoten. Ook de inhoud van de laatste Nehalennia's wordt door de leden gewaardeerd. We kregen
veel aanmoedigingen binnen om op deze manier verder te gaan. Dat zijn we ook van plan. Zorg er
daarom ook voor, dat uw regio regelmatig in de Nehalenniakijker komt te staan.
VAN DE ZÊÊUWSE DIALECTVERÊNIGIENG
Het hoogtepunt op zaterdag 15 oktober tijdens de Dialectdag in Kapelle was de presentatie van het
Zeeuwse Kinderspelenboek. De voorzitter van onze vereniging, de heer Kees Martens hield vóór de
aanbieding de volgende inleiding, in het dialect van 's-Heerenhoek.
Koekoek Schietebroek van achter in de weióek
Tegenwoordig bin der voe de guus veel meer mogelijkheden dan vroeger. Wij oa geen eigen
televisie op een eigen kamer met veertig zenders, computerspelletjes, skateboards, en skeelers. We
hadden er nog nooit van gehoord maar we hebben er echter niet minder om gespeeld.
Aons bouwden race-karren van 'n ouwe kinderwêêgen en kwamen pas op de êêste rit van de aprèl
af der achter da me gin rem ao. Ni êênige ongelukken konne me di prima mee omgêê.
's Oches gienge aons ni buuten om te spelen. Wulder bleven de êêle dag wig en mosten pas thuus
weze a de strêêtlantaerns aangoenge. Gin méns wist wir a me wêêre en mo glad gin mobiele
telefoon.
Aons sneeje aons eigen, brakke aonze botten en tanden en der wier glad gin méns voe angeklêêgd.
Het wêêre gewoon ongelukken en de enigsten die a di schuld an ao was je zelf en je kon allêênig
mae je eigen verwiete.
Kan jie je ok nog zokke 'ongelukken' euge?
Me ao vechtpartijen en sloegen mekaore een blêêuw ööge. Dir mosten aons mae mee leve.
Volwassen ménsen interesseerden zich dir nie voe. Me ate koeksjes, brood mie goeie beuter,
bogerden appels en peren, dronken limonade en wiere evengoed nie te dikke om da me êêle dêêgen
stik druk bezig wêêre. Aons dronken mie onze vrienden uut dezelfde flesse en gin méns die a ter
dood van goeng.
Me ao gin Playstation, Nintendo, X-box, Videogames, Videofilm, Surround-Sound, computer en
internet-chatrooms. Mae dat a aons wé ao, wêêre kameraden.
Me giengen gewoon ni buuten en dir kwamme me mekaore tegen. Me giengen nir ulder uus en riepe
'kom je spele', of aons giengen soms gewoon nï binnen zonder eula te roepen. En dat aol zonder
van tevoren of te spreken en zonder dat a aonze ouwelui der van wisten. Gin méns die a aons brocht
en ging méns die aons a wee kwam op'êêle mie den auto.
Aons bedochten zelf spelletjes mie stokken en kartonne döözen. Bie die stokken prikten me
mekaore bienae nööit in d'öögen. Me atte gewoon wurmen op en die leefden nie voe altied in onze
41