Dus Keesie, maek joe je eige noe mar niejt zóó druk over die breuken. As ie van schoole bint,
gebruuk ie ze toch nooit mêêr, in as ie d'r ööit nog 's êên kriegt, dan is 't mar 'n flui'ie van 'n cent!
Klaos Kastelein, dialect Ouddorp
Kaerte
In 't speelkwartier op schoole
hao m'n diejn ochend zitte kaerte op 't plein.
Mit gêên echte kaerten netuurlek,
mar hêêl onschuldig mit van de kaerten
die je zelf emaekt hao van weiggegööide kartonne sigerettepakkies:
de voor- in de achterkanten deur d'n helft eschoord:
Miss Blanche, Chief Whip in Three Castles kwamme't mêêste voor.
Om de beurte gooiende je 'n kaerte op 't staepeltie
in as ie dan denzelfden hao as d'n bovensten,
mocht ie ze allemaele hè.
Dat dee je dan mêêstal nog niejt, want je liejt de staepel êêrst groeie.
As de staepel haoge was ko 'j,
azzie 'n hao, je joker inzette.
Dat was 'n kaerte van 't mérk Player,
mar die waere zeldzaem, die vong ie haest nooit.
Oorlog
Nae schooltied gienge m'n soms soldao'ie spele op de haogte.
'n Sommige dee d'r Duusen helm dan op,
die nae d'n oorlog achter'elaete was,
aore trokke geweun d'r alpinomuste,
die je toch altied al op hao, scheef,
dan leek ie net op 'n Canadees.
'n Kammerao'ie hao nog 'n reservehelm,
die mocht dan iemend lêêne,
mar hie was niejt zöö in trek, want d'r zat gêên ban'ie mêêr an.
Je most dan voordurend je hand op hööd houwe,
om 'n op te houwene, azzie over de haogte liejp te klussene.
Je leken dan net op 'n soldaot die z'n eige voordurend overgaf.
Pau Heerschap
Merien
Merien hieng ok es op verkansie
Z'n wuufje, a jaeren wast 'en d'r mi etrouwd, was d'r ok bie
Ze hienge mer is ni Italië toe
Dir ooze noe weh held henoeg voe
Noe was dat wuufje nog a verstrooid eworre mi de jaeren
Meh ze dochte die reize toch weh te klaeren
't gieng ok oal hoet, a wast'et weh êêl varre
un einde rieên, hewoonweg barre
43
