En zo kwam oalles toch nog goed.
Denise mocht mie een prinses mee in eur toren en Sander mocht 't schild en zwaerd van een ridder
zië. 's aevonds was 't groot feêst in de zaal mie de gróte taefel waèr a oal die lekkere diengen op
lagge. En de draak? Die ei êêl d'n aevend mie de huüs espeeld en edanst.
Aneens roept de draak: "Komme julder om de koffie?"
Sander en Denise snappe d'r êêst glad niks van. Mè a d'r nog een keer erope word, kriege ze 't deur.
't is glad de draak nie die a dat roept. Ze binne wee terug op zolder en opa vraegt of a ze wat komme
drienke. 't leek of a ze een 'elen dag in de kastêêltied ewist wazze, mè in 't echt was d'r nog mè een
kwartiertje verbie.
"E julder lekker espeeld?" vraegt oma a ze wee benee binne. "Ja" zegge Denise en Sander geliek.
Mè ze kieke wè uut da ze niks zegge over de draak en de huus! Die koenkelpot mö z'n toverkracht
'ouwe
Julder kunne dodken ók een koenkelpot maèke. Of a die kan tovere, weet ik nie. Mè probeer 't tuüs
mè r 's. A je mè goed bedienkt da je pas over vuüftig jaer iemand mag vertelle da je van de toverpot
een wens mocht doé.
'Oe maèk je een koenkelpot:
neem een glaeze potje mie een nie oals te gróte openienge,
maèk mie een schaere een klein knipje in de bovenkant van een ronde ballon en knipt de smalle kant
van de onderkant d'r bienae glad of. Dan doe je de ballon over de openinge van 't potje.
Steek noe een rietje in dat gatje dat a je bovenin de ballon eknipt eit.
A je dat rietje dan op en neer beweegt, klienkt dat bienaè 'etzelfde as een échte koenkelpot.
Je kun de koenkelpot natuurlijk ók êêst verve of beplakke. Net wat a je zelf mooi vin!
51
