dulleve 's bie die draak konde kriege, dan 'oeven ze nie mï benauwd te wezen voe 't vier, en konde
ze misschien de voaders en moeders uüt de buük van de draak bevrië.
A de draak slaèpt kruüpe ze mie z'n oallen 't kasteel binnen, en vinde een waeterslange en een
pompe. Ze doë de slange in de bek van de draak en pompe zó 't waeter uüt de dulve naè binnen.
Dan wor de draak wakker. En ie kiektblië!?!?!?!
"Komme julder mie me spele?" zeit 'n 'artelijk tegen de huüs.
"Natuurlijk nie, stomme draak! Jie ei oanze voader en moeder opegete!" roepe ze.
Dan begun de draak te brullen huilen): "ik wou allenig mè mie iemand spele, mè iederéén is zó
benauwd voe m'n vier. da niemand bie mien in de buürte dust te kommen. Ik kon mè 1 dienk doë:
zurge da ze wè dicht bie me konde komme. En in m'n buük is lekker dicht bie, dan è'k oaltied
iemand om mie te spelen, docht 'k. Mè da's glad gin waer. Ik kan nog steeds mie gin mens spele,
en noe bin julder ók a kwaed op me."
Ze kriege meelij mie de draak, en besluüte om 'm te 'elpen.
"A jie oanze voaders en moeders loslaèt, en zurgt da je allenig nog vier maèkt voe de barbecue wille
oans wè mie je spele": zegge ze. De draak knikt: dat wilt 'n wè. Ie lópt naè de dulleve, aelt diep
aesem en spiet oal de voaders en moeders uüt. Ze voalle lekker zochte in 't waeter. Gelukkig
kunne ze oallemille zwemme.
Eest bin de voaders en moeders nog wè kwaed op de draak. Mè a Denise, Sander en de huus oalles
uüteleid besluüte ze de draak as 'uüsdier te nemen.
De draak as 'uüsdier.
50
