KOMT TIED, KOMT RAED
Nel Slager- den Engelsman
Volgens mien gedachte is ons eiland Tholen geweun 'n vergete plekke, 't is aoltied over Walchere
in Zuud- Beveland, eêle verhaalen. We staen wè op de kaerte, ma dat wil nog niks zeghe. Daerom
gae ik julder 's wat uut onze 'n oek vertelle, over Vosmeer in dat lei op 't eiland Thole. 't Gae over
d 'n tied van vö d'n oorlog. Ons praete aoltied van vó d 'n oorlog in nae d 'n oorlog, van vó in nae
d 'êvacuasie, in van vó in nae de ramp. 't Za ongeveer de jaeren dertig gewist of iets laeter. Vö
d' evacuasie, want daernae wier aolles anders.
Noe mó je wete dat Vosmeer 'n eêl ander durp is as de rest van 't eiland. Bie ons m'n een
gemengde bevolking, aoltied a had. In die daegen was 1/3 rooms in 2/3 protestant. Ieder ad z'n
eige kerreke in ök z'n eige schole, zelfs z'n eige voetbalclub. Een protestantse bakker, dae gieng
heên eêne roomsen nae toe, in omgekeerd ok nie. Aolles was gescheie, soort bie soort. O ja, da's
waer ök, z'adde zelfs twee geitefokvereênigiengen, 'n roomsen in 'n protestanten.
Hlmk
't Gieng jaeren goed, 'z adde aollebeie geiten in aollebeie eêne bok. Ma eêns op 'n dag gebeurde
d'r iets errugsde protestantse bok gieng dood. De leèjen wiere opgeroepe vö 'n
spoedvergaederieng. ledereên was 't er Kü je net begriepe, 't was eêl belangriek vö 't voorbestaen
van de vereênigieng De voorzitter opende de vergaederieng, in dae zaete ze dan. Oe mö me noe
varder zonder bok?????
Ze zaete mit d'r anden in d'r aer. D'r was wè 'n oplossing ma heên mens kwam d'r mee vö d'n
draed, want ieder was in z'n arte overtuugt da dat nie kon. Je kon nie mit je protestantse geite nae
'n roomse bok.
't Is echt gebeurt oor, 'k 't van oöre zeghen
Noe bin d'r die a bewere da sommige stiekum mit d'r geite toch nae de roomse bok gienge. Liege
ze, dan doe 'k dat in kumissie.
Vee protestante wisten nie oe ze varder moste, zonder ulder bok. Ma d'r is uutkomst gekomme. De
gemeênte Stalland (St-Annaland), toen nog zelfstandig, ei d 'n roomsen bok gekocht vö oevee
weet ik nie. D'r is 'n kotje vö gebouwd in Jaontje van Arjaontje most toezicht ouwe in 't beêstje
verzurge. Noe kunne ze aollemae van Vosmeer mit d'r geite nae dien bok. Ma dae zat niks heên
leven meêr in dat beêst zeiden ze.
De moöste, de verleidelijkste geite kon langs komme, ie lichte z'n kop nog nie op, ie keek
heêneênsü! Weet jie oe a dat komt, we bin d 'r achter. Ie is noe gemeênte-ambtenaer
41
