ZEUMERS FEEST
Bei Cok
A 'k 's ochens deur mien raêmpje kiek
Zie ik de Westerscheldediek
Tussendeur connifeeren
Et gos liekt dan een klêêd van pluus
En langs et padje bie m 'n uus
Bin maêrels in de weere
D 'n dauw die tergend traêg verdwient
Om a de zunne nauw 'lijks schient
Krieg grillege petröónen
Ni maête 't zunlicht sterker wordt
Worren de silhoe-etten kort
Die struuken gaên vertonen
A ik de kromme takken zie
Van 't peere-leibompje, kortbie
(Oe kun ze zo toch groeien?)
'k Begriep nie a over een tied
je di wee blommetjes an ziet
Die prachtig staên te bloeien
Ja, 's zeumers is 't ier êên gróót fêêst
Ik zie noe wee a in m 'n gêêst
Oe móói a 't ier kan wezen
'k Geniete noe bie voorbaêt a
Oe a tet dan wee wezen za
't Wor ieder jaêr bewezen.
