HET GEHEIM VAN DE SMID
E.C. Fluit
D'r binne 'n antal ménsen die van d'r eige dienke dasse 'n stikkie slimmer binne dan de rest van de
waereld. Dat laete ze dan mêêst aok nog graeg mèrke aok. Mêêstentied hao ze dan niet deur, dat
degene waer ze tegen praete, dat juust wel deur hao, mar die laete ze dan dikkels in die waen. Of
tat noe mit die Amsterdamse professor aok zo was wee 'k nie, mar hóör 't verhael mar 's an.
Deze geschiedenis speulde zowat omstreeks 1920-22: 'n Amsterdamse professor, die doceerde an de
Universiteit mar aok nogal 's 'n lezieng hieuw over z'n kunde èrges aorus, had zodoewnde wat mêêr
centen om hangden in had daervan 'n auto gekocht. Dae wouw 'n mee op vekangsie, in van 'n goeie
kennes hat 'n adres uut Zoutelande. 'n Briejf daerheen, wangt telefoons had je toen aok nog nie
zoveul in ja oor, hie kon komme. De auto
flak voor 't hotel neergezet,
parkeerruumte zat, zoveul autoos waere
d'r nie. 'n Fijne week vekangsie en
toen weer oftocht geblaeze. Moeder,
de kinders in d'n hongd in de auto in
vaoder achter 't stuur. Mar wat was 't
geval, de auto wou niet starte. De
professor naer de man van 't hotel. Jae
die wist daer aok niks op in monteurs of
geraasjus zoas noe, die waere d'r nie.
hoteleigenaer zei,:'k Zal 'n jongen naer de smid stiere, meschien weet
die d'r wat op. De smid arriveerde even laeter mit z'n kruujwaegen mit gereedschap in deej de
kleppen van de auto ope, niet net zo as noe naer de voorruut toe, mar die giengen nog opziej ope. Hie
vroeg de professor om te starten in lei z'n óör tegen 't motorblok an. Trug nae de kruujwaegen, in
daer haelende hie 'n moker. Mit die moker gaf 'n èrges 'n klap op 't motorblok in toen zei 'n tegen
de professor: "Start noe nog 's. "In jawel de motor draojende weer. De professor netuurluk blie in
hie vroeg an de smid: "Wa binkje verschuldugd? De smid zei dat is dan 26 gulden. Noe was dat voor
diejn tied 'n kitteg grööt bedrag. In of die professor noe docht: Zóó'n durpssmidje ken 'k meschien
wel 'n beetje intimidere a 'k vraeg: "Kej je die rekenieng aok specifisere?" Meschien word 't dan wat
minder. Mar de smid zei: "Jaezeker, joe heit zeker as geléérd man wel pepier in potlood bie je?
"Jaezeker."
"Of ik dat dan even mag gebruke", zei de smid. In hie mit z'n pepier in potlood naer de
kruujwaegen, 'n plat plankie opgezocht om op te schrieven in daer kwam de rekenieng:
Specificatie van de rekenieng voor het startklaer maeken van de auto:
Punt 1Klap mit de mokerf 1 ,-
Punt 2: Weten waer te slaenf 25,-
Totaal f 26,-
In dat gaf 'n an de professor, in die zal toejn wel gedocht hè: Die smid verkaop 'k géén knollen voor
citroewnen in hie betaelde in vertrok. De smid nam nog 'n bakkie koffie in vertrok weer naer de
smejerie.
Geschreven in het dialect van Oostflakkee.
48