'T MAEKEN VAN 'N 'OUTEN WAEGENWIEL deur CBeenhakker Om an de weet te kommen oe a 'n 'outen waegenwiel wor 'emaekt,is 't an te raojen om mie waegenmaekers te praeten. Dus ik twi goeie vaklui op zocht en 'evraegd oe a ze dat dejè. Die twi goeie vaklui zeie: Je begunt mie 't maeken van 'n bosse. Dat is 't middenstik van 't waegenwiel.Sommigte 'adde 't over 'n naeve of ok wè over 'n dompeJe mot 'r 'n goed stik olmenout voe gebruuke. Goed gewaeterd olmenout,dat zeker twi a drie jaêr in 't waeter ei 'elehe. Meestal maekten ze zo'n bosse uut de broekstikken van 'n olmenboom. Dat stik 'out zet je tussen de centers van 'n draaibankeDe lingte van 't stik mot ruum wèeze,want laeter mot je de koonen d'rof zaege.Die koonen binnen de uutsteeksels nae 't draaien op de juuste lingte. De bosse mot in 't model 'edraoid worre. A iezeren banden Bie 't ofzaegen van de koonennaedat de bosse in 't medel is 'edraaid, mot- de voorkant van de bosse zuuver vlak en 'aeks weeze,laeter zü' je wè mèrke "Waerom" De spèèken worre 'emaekt van acacia-out of mêêstal van gekliefd eikenout. Die eikenoute spêêken motte van rechtdraedig 'out weeze.Gezond 'out en zonder ebreeken.Acaoia-out is groenachtig van kleure en erg sterk. In 't voorwiel kwaemen tien spêêken en in 't achterwiel twaelf spêêken. Tiedens 't draoien van de bosse moste drie lijnen in'ekrast worre voe 't anheven van de plekke waer de spêêkgaeten kwaeme.zo as ier op de têêkenienge is anneheeve.Op de middelste lijn wieren de afstanden van de spêêken 'ezet.Om een goeie verdêêling te kriehen zei den baes aoltied. "Dienk t'rom êên is dertiene a 't om twaelf spêêken haet en êên is elve as 't om tien spêêken haet". 12 3 10 1=11 Inbore deeên ze mie een aevegaer.Om de rnaete van de spêêken te bepaelen têêkenden ze op 'n 'outen schot de vurm van 't wiel.Dat deeje mie een grêote passer waer a een bruhhe mie een vleugelmoere an vastzat. Ok wè mie een latte waer twi spiekers deur'esloohe waere. 43

Tijdschriftenbank Zeeland

Nehalennia | 1986 | | pagina 45