Men gebruukte voe 't opvullen bie 't vastmaeken van 't 'oute wiel z.g.n.
bussen en dan most je en wè an dienke om 't wiel nie ael te vast te zet
ten omdat dan de spieken nie mi schuin,mè rechte zoude komme te staen.
Was noe die band op vier keezerood emaekt,dan nam je de band mie vier
bandaeken van 't vier en droeg je de roodgloeiende band zo gauw meugelijk
nae 't 'oute wiel op de wielpit.De bandaeken klemden zich bie .t draegen
vast an de band.
bandklemme
De band mocht nooit geliek zitte mie 't oute wiel,mé stak zowel an de
onderkant as an de bovenkant een alve centimeter buten 't wiel.Om noe
die band vast tegen de buutenkant van 't wiel an te drukken,gebruukte
men z.g.n. bandklemmen.Het ofkoelen gebeurde deur er waeter
over te hieten,soms mie iimers waeter te gelieke,want brandplekken in
't 'out waere hing goeie reklame voe de smid.Dit mocht nooit gebeure.
Bie 't ofnemen van 't wiel,most je oppasse,want de juust omgeleide
ieseren band was nog werm,dus most je het wiel an de spieken erof-
lichte.Je zou anders je 'anden kunne brande,want de band was nog êêt.
Nae blusse en ofkoele dee je mie behulp van 'n waeter bak.
Bie 't ronddraaien van 't of te koelen wielgebruukte je 'n ieseren
staeve,die deur de suppoo wier estoke (een suppoo is het gat in
de naeve van 't wiel).Die iesere staeve rustte in 'n steun.
De steunen stoengen an -weerskanten van de waeterbak.
51
