KOSSEMISSE OP 'S EERENHOEKVROEHER BIE ONS TUUS
door
C.Martens
Chi iirlik te motte weze,vêê gebruuken wêêre d'r nie bie Kossemisse.
Kossemisse was 'n 'eilig fêêst van stilte,bidde en ni kerke gêê.
Daegs voe Kossemisse was 'n geweune werkdag,mè 's aevens zette moeder
aoltied de kerstkrubbe en om twelf uur'n 's naohs goenge wulder aol ni
de nachtmisseDa was natuurlek 'n buutngeweune belevenisse.
Ten eisten moch je zo lank opbluve en ten twidden was d'n 'oogjnisse 'n
misse bie driee,soms wè bie zes 'eren.'n Misse bie spetters za'k mè
zeggeBovendien mog je ok zienge,aole kèsvèsjes die je kusten.
I:. die aore missen zoeng allêêne 't koor mè en dan nog aol latien.
De kerke zat aoltied stampstieve vol,a de kaarters van de achterste
banke in portael terechte kwaeme.De mensen kwaeme van wied en zied,
ze moste zelf stae omdat 'r te weinig zitplekk'n waere.Na de kerke
gienge wulder naer 'uus,wir a de soepe wacht'n en de jikkemienen,de
"koek'n as je konte"oftewel beuterkoek'n en krentebrood bie 'amme.
Impersant was 't wè twi uur'n of aolf drieë 's nachs eworre en oeër ao
je,kus je begriepe.Amme aol tuus waere,stak vaoder de kerstkrubbe an.
Ik bedoele natuurlek de kaesjes.M'n broer ei 'n kêêr wèrentig de kerst
stal anestoke,mè toen ei vaoder t'n dwas deur de ruute in 't of esode-
mietert,so a t'n gauw uutgoeng in de sneeuw.
A de kaesjes brangengoenge wulder lekker ete,'n kerstmael,en nae 't
eten goenge wulder nae béde.D'n eigenste Kosmisdag sliepe m'aol uut.
Da was de enigste dag in 't jaer da me uutsliepewant mao aol a ni
de kerke ewist.Soms sliepe me wè toe acht uren of aolf negene.
Eiste Kosmisdag goenge w'ons guus 's aevens aoltied ni de protestanse
kerkewantdi ao z'n kèsboim en schoenke ze soekelademelk.
Mè presentjes krege wulder nie die krege alliênig mè de protestanse
guus.Mè de verhaaltjes waere stik mooi en de soekelademelk smikten
vriid goed.Kesbiomen waere bie w'ons ranse nie in 't gebruuk en in de
protestanse kerke ao ze zo'n gr6oten,toe an 't dek bie aol sulvere
bollen en elektriese kaesen.
Zo a je 't ziet,viê gebruuk'n ao wulder nie bie Kossemisset was nog
a kerks za 'k mè zegge.En de mêêste mensen bin net zo kerks az 'n
'ond knuppelachtig behalve bie 'oogtiedaegen.
43
