D'n êêr Meesen uut Kortjeen brocht verslag uut naemens de kaskommissie
't Was aoltied 'n henoehen om bie de fam. Oele de spullen nae te hln
kieken: ie wier t'r êêl vriendelijk ontvangen en ie ei zun best 'n 'edaen
om iets te vinden datta fout was uut'de kuip vol mie pepieren',mè ie ei
aolles höêd in orde bevonden en stelt dan ok voor de penniengmêêster te
dechargeren
Toen kwam t'r noh de behrootieng voe't kommende jêr.die a ok zonder
kommentaor wier hoed ekeurd.
Bie de bestuursverkiezuhhe zei de voorzitterdat d'n êêr C.van Boven
"zich wegens drukke werkzaamheden niet meer herkiesbaar stelt".
De voorzitter bedankte d'n êêr Van Boven vooral ok voe de medewerkieng
an 't regio-boek van Noord-Beveland.
"Jammer dat t'r noe is: je kan noe wee wè ni beneen van Boven".
't Voorstel om d'n êêr Meesen te benoemen in d'ontstaene vacature wier
mie applaus anenoomenDn êêr Meesen dankte dinae iederéén 'die op 'm
estemd eit',stelde z'n eihen voor en zei hebooren te zien uut öuwers,
die uut Zêêws-Vlaonderen stammen,mè dattie noe in Kortjeen weunt.
Dat zou misschien noh wat moeilijkheden kunnen heeven mie't spreken
van 't dialect. (Dir è'k nie vee van emorken.)
Vervolhens kwam mevr.VdBroecke-de Man 'n overzicht heeven van de
stand van zaekenZe bliekt voe mien toh wè de motor te weezen die aolles
in beweehieng ouwtOk noe is ze bienae nie te stoppent kost dn êêr
Oele moeite d'r an d'r spreektied t'ouwen.
Bie 't binnenkommen van de kommissaoris.d'n êêr Boertien,mo ze wè stop
pen, mè ze belooft t'rug te kommen.
Welkomstwoord van de voorzitter: "Fijn dat jie bie oêns wil weezen,'k
zou zên: bluuf eeten,dan lêêr je de ménsen beter kennen".
De verhaoderienge zat'r bienae op,d'n êêr De Vin vroeh 't woord noh om
t'informeren ni de schoolboekjes.Volhens de voorzitter zouen d'r pro
blemen bluuven,omda deur de verschillende Zèèuwse dialecten d'oplaehen
kleine(te kleine?) zouen bluuven.
Ierop ansluutend bie daonbiedieng van 't regio-boek kwam d'n êêr
Van der Peyl uut Kruuniengen mie d'oplossieng: "de regio-boeken ver
plicht stellen op alle Zeeuwse scholen"
D'n Êêr Van der Peyl zei 't êên en 't aore over de moeilijkheden bie
't zetten en drukken van 'n boek in 'n dialect en las toen 'n stiksje
voor uut 't nieuwe boek.Dat gieng over Piertje.
Bie de voorinschrievieng a'k nie inetêêkend om dat boekje direkt
eleeverd te kriehen,mè nae dat stiksie è'k direkt eperbeerd d'r êêntje
te kópen.Nae d'overdracht van 't boek an de vice voorzitterdie net as
d'n êêr Van der Peyl,mevr.V.d.Broecke-de Man,d'n êêr J.A.van Gilst en
d'n êêr B.Oele bedankte voe de medewerkieng bie 't saemstellen van dit
mooi uitgevoerde dêêltje,droeh ie 't wee over an mevr.V.d.Broecke-de Man.
Ze sprak van "feest wanneer weer een nieuw regio-boek klaar is.Er is veel
vrijwilligerswerk voor verzet,erg prettig te constateren dat er ook van
de kant van de provincie zoveel belangstelling voor bestaat.
Ziezo,het ligt nu vast.'t Is goed,voor 100%,zo goed mogelijk,zo höêd
astertoe"Nae de voornaemste medewerkers enoemd t'ên,biedt ze 't an de
kommissaoris an.Die wilt't graog aonvaerdenmè tot z'n spiet kan t'n nie in
'n Zêêuws dialectspreken.Ie wénst mevr.V.d.Broecke heluk mie 't mooie
boek en hezien de volle zaol is t'r noh vee belangstellieng voe 't
Zêêuwse dialect.Om te bewiezen dat 'n d'r ok belangstellieng voe 'eit
en ok in dialect kan praoten,zei 't'n in 't Zwols dat de ménsen op
motten ouwen om 'm Boertièn te noemen.Z'n voorvaoders wazzen boertjes,
dus da bin 'k ok.noem me dirrom mè 'Boertien'.Bravo,kommissaoris,zo
mah 'k 't graog ooren!
39
