niet kwiet,in gêên van twêê wou der zuster alleen laete.
Zouwe ze 't tegen Joacob zegge,dat ze 'n wouwe dêêle?
Meschien zei 'n dan wel: "mietere juule dan allebei:e
mar op,ik laete m'n eige niet voor de gek houwe"
Ze kwamme der niet uut.Mar ze moste wel tegen der ou-
wers zegge,dat Joacob vaste verkêêring wou.
Nou,dat hoefde gêênêêns,want toen ze 's zondags nae
kerktied an de koffie zatte,zei der voader:"Hoe zit
datnoe eindeluk mit dien Joacob van juule.Komt die voor
joe Lientje of voor joe,Sientje"?
"Joacob wou van de weke komme vraege,of 'n vaste ver
kêêring mit ons mocht hoa",zei Lientje verlege.
"Mit juule? Hie zal der toch êên van de twêê motte
kieze""Lientje keek nae Sientje in Sientje nae Lientje,
mar omdat Lientje 'n het êêrste gezie:e had,most die 't
mar zegge.
"Voader in moeder,juule zalle 't wel roar vinde,mar m'n
hoa der lange in brêêd over gepraet,m'n houwe allebei:e
even veul van z'n in m'n wille 'n êêrluk dêêle,waerom
kan ne m'n dan niet allebei:e mit z'n vrie:e"?
"Binne juule noe glad gek geworre.Hoe kan dat noe?
Je weet toch dat een man mar êêne vrouwe mag hoa in
wou je dien ermen Joacob mit twêê meiden geliek opsche-
pe? Wat hoa'k toch een dol mit twêê van die ééndere
meiden".In hie greep in 't beetje haer,dat 'n nog had.
"Loote juule dan om die broerde joon".In voader schreef
op êên pepiertje "Joacob" in op 't ander "Jij niet".
Hie vouwde ze secuur op,in hieuw ze in z'n ope hand.
"Joe êêrst,Lien".
"Nee,joe,ik hoa't gezeid"
"Mar joe bint toch mit z'n begonne.Joe heit de mêêste
rechten"
"Mar an joe heit 'n gevroge,of je vaste verkêêring wou",
"'k Doewe 't niet"
"In ikke oak niet"
Kwaed keke ze mekoare an,moeder wist raed,ze zou de
pepiertjes achter der rik houwe in as voader floot mos-
te ze griepe.In ze greepe netuurlijk allebei:e dezelf
den errem.
"Nee" riepe ze inêêns tegeliek; "m'n verloote 'n niet".
14
