Kerstmis vo oalemael
't Land dat lig te rusten
Oales lig tevree
't Is oneindug stille
Kerstmis op de stee
Over 't land een witte nevel
Bóómen op een vare rand
Op een tak een veuhel
Kerstmis op ut land
Je oort et kraeke in de bóomen
Lichjes in een uus
Kinderstemme zienge
Kerstmis tuus
An de lucht de sterren
twienkele,overal
Een deure op een kiertje
Kerstmis in een stal
De mensen mee een wolle muste
Anden vrieve,stille praete
Lichjes achter 't raem
Kerstmis op de straete
Klokken die doe luue
dan wee zacht,dan wee sterk
Zachjes 't urhul spele
Kerstmis in de kerk
Een traene in een oohe
van binnen as een stéén
Een klein uusje
Kerstmis alleen
Kiek,een lichte sterre
Mee een hloed van hloeiend stael
Die staet boven elk uusje
Kerstmis vo oalemael
C.A.van Boven 1980
Wissenkerke 1
